रायपुर। उप मुख्यमंत्री विजय शर्मा ह आज कवर्धा विधानसभा क्षेत्र के वनांचल अउ ग्रामीण क्षेत्र ल बड़का सौगात देत 5 करोड़ 74 लाख 87 हजार रुपया के लागत ले तीन महत्वपूर्ण सड़क निर्माण कार्य के विधिवत पूजा-अर्चना करके भूमिपूजन किरिन। ए सड़क निर्माण कार्य ले क्षेत्र के ग्रामीण मन ल आवागमन के बेहतर सुविधा मिले के संग-संग विकास ल घलो नवा गति मिलहि।
उप मुख्यमंत्री शर्मा ह सर्वप्रथम मेन रोड ले ग्राम कटगो तक 3 करोड़ 35 लाख रूपया लागत के 6.81 किलोमीटर लंबा सड़क के निर्माण कार्य के भूमिपूजन करिन। ए सड़क के निर्माण ले वनांचल क्षेत्र के ग्रामीण मन ल आवागमन में होवइया कठिनाइ ले निजात मिलहि अउ ग्रामीण मन के मुख्य मार्ग ले सीधा संपर्क स्थापित होहि।
एखर पश्चात उप मुख्यमंत्री शर्मा ह मेन रोड ले खिरसाली तक 1 करोड़ 36 लाख 50 हजार रूपया लागत के 4 किमी लंबी सड़क निर्माण के भूमिपूजन करिन। उहें मेन रोड ले लाटा तक 1 करोड़ 02 लाख 90 हजार रूपया लागत के 2.80 किमी लंबा सड़क निर्माण कार्य के घलो विधिवत भूमिपूजन करिन।
उप मुख्यमंत्री विजय शर्मा ह ग्रामीण मन ल शुभकामनाएं दिंन। ओमन ह उपस्थित ग्रामीण मन ल संबोधित करत कहिन कि सरकार ग्रामीण विकास ल लेके पूरा प्रतिबद्धता ले कार्य करत हे। ओमन ह बतायिन कि ग्राम कटगो म प्रधानमंत्री आवास योजना के अंतर्गत कुल 263 आवास के स्वीकृति प्रदान करे गिन हे, जेखर निर्माण कार्य वर्तमान म प्रगति म हे। ओमन ह कहिन कि गांव म अधोसंरचनात्मक विकास ल निरंतर आगु बढ़ाए जात हे
उप मुख्यमंत्री विजय शर्मा ह ग्रामीण मन ल ए घलो जानकारी दिन कि आगामी नववर्ष के अवसर म 1 जनवरी ल भोरमदेव कॉरिडोर के भव्य भूमिपूजन कार्यक्रम आयोजित करे जाहि। ए ऐतिहासिक अवसर म मुख्यमंत्री विष्णु देव साय अउ केंद्रीय पर्यटन मंत्री गजेंद्र सिंह शेखावत विशेष रूप ले उपस्थित रहि। ओमन ह कहिन कि भोरमदेव कॉरिडोर के निर्माण ले क्षेत्र म पर्यटन ल बढ़ावा मिलहि, रोजगार के नवा अवसर सृजित होंहि अउ कवर्धा जिला ल राष्ट्रीय स्तर म नवा पहचान मिलहि।
