रायपुर। दाऊ वासुदेव चन्द्राकर कामधेनु विश्वविद्यालय, दुर्ग म कुलपति डॉ.आर.आर.बी. सिंह के मार्गदर्शन म विश्वविद्यालय के पूर्व छात्र-छात्रा मन के मिलन समारोह एलुमनाई मीट-2025 संपन्न होइस। ए मौका म ‘स्ट्रेदनिंग द प्रोफेसनल्स अलाईन्स अमंग एलुमनाई विषय म राष्ट्रीय सेमीनार आयोजित करे गिस।
कार्यक्रम म देश के विभिन्न राज्य जइसे जम्मूकश्मीर पंजाब, उत्तराखण्ड, बिहार, झारखंण्ड, गुजरात, महाराष्ट्र मध्य प्रदेश, उत्तर प्रदेश, कर्नाटक, केरल अउ छत्तीसगढ़ ले कुल 400 पूर्व छात्र मन ह भाग लिन। एखर समग ही कतर, कनाड़ा अउ अमेरिका ले 5 छात्र उपस्थित रहिन। पूर्व छात्र छात्रा मन ले ए बेर अपन अपन अनुभव ल साझा करिन।
विश्वविद्यालय द्वारा आयोजित ए कार्यक्रम म अतिथिगण म अहिरवारा विधायक डोमनलाल कोर्सवाडा, ललित चंद्राकर, विधायक दुर्ग ग्रामीण रिकेश सेन विधायक वैशालीनगर भिलाई के संग-संग अधिष्ठाता डॉ. संजय शाक्य डॉ मनोज गेंदले, डॉ. सुधीर उपरीत विश्वविद्यालय के कुलसचिव डॉ बीपी राठिया उपस्थित रहिन। उहें विशेष अतिथिगण म मीनल सिंह, पायल अहवाल ही कंके, चूय अउ ब्रिगेडियर डॉ अमित रस्तोगी उपस्थित रहिन।
विधायक कोर्सेवाडा ह कहिन कि गर्व के बात हे कि ए संस्था म उत्तीर्ण छात्र शासन म पशु चिकित्सक के रूप म, सेना म, बैंकिन म, कार्पोस्ट के क्षेत्र म, पुलिस सेवा, प्रशासनिक अधिकारी सहित अन्य पद म अपन सेवा देत हे अउ विश्वविद्यालय प्रदेश अउ देश के नाम रोशन करत हे।
जम्मों पूर्व छात्र अपन पुराना साथी मन ल, अध्यापक मन ले मिलके बहुत आनंदित होये अउ अधिष्ठाता छात्र कल्याण ह अपन स्वागत भाषण म बतायिन कि हमर 40 साल पुराना रिश्ता हे जेन आज एक बार फिर जीवंत हो उठत हे अउ ए एक स्वाभाविक पल हे कि हम सब इहाँ संग हे अउ एक दूसर ल सहयोग करे बर प्रतिबद्ध हे।
विधायक कार्सवाडा ह कहिन कि आज के दिन समी के याद करे के दिन हे। ललित धन्दकार ह कहिन कि वर्तमान सरकार राज्य के विकास म आप जम्मों झन ल हर तरह ले सहायोग करहि। रिकेश सेन ह कहिन कि ए कार्यक्रम एक उत्सव हे। ए पल हमेशा यादगार रहि।
