रायपुर। राज्यपाल रमेन डेका ह आज महासमुंद जिला के विकासखंड पिथौरा अंतर्गत ग्राम गोड़बहल प्रवास के बेर उहां के महिला स्व-सहायता समूह ले भेंट करिन। ए अवसर म राज्यपाल ह महिला स्व-सहायता समूह द्वारा करे जात कार्य के सराहना करत ओमन ह व्यवसाय बर प्रोत्साहित करिन। ओमन ह कहिन कि महिला मन जे भी व्यवसाय करत, पूरा लगन अउ गुणवत्ता के संग करत। आपस सहयोग बनाए रखिन अउ आंतरिक प्रतिस्पर्धा ले बचव।
महिला स्व-सहायता समूह के सद्स्य मन ह राज्यपाल ल बतायिन कि उखर समूह दुग्ध उत्पादन के कार्य करत हे। जयश्री महिला समूह के सदस्य ह बैग निर्माण के अपन व्यवसाय के जानकारी दिन। माधुरी पटेल ह हस्तकला म समूह के दक्षता , गोमती पटेल ह दुग्ध उत्पादन के विस्तृत जानकारी दिन।
महिला समूह के ओर ले राज्यपाल ल स्मृति चिह्न स्वरूप हस्तशिल्प उत्पाद भेंट करे गिस। राज्यपाल ह महिला समूह के कार्य के सराहना करिन अउ महिला सशक्तिकरण के दिशा म होत प्रयास के प्रशंसा करिन। ए अवसर म कलेक्टर विनय कुमार लंगेह घलो उपस्थित रहिन।
