रायपुर। राज्यपाल रमेन डेका ले आज इहां राजभवन म वाटर वुमेन अउ पंचतत्व फाउंडेशन नोएडा (उ.प्र) के संस्थापक शिप्रा पाठक ह सौजन्य भेंट करिन। पाठक ह बतायिन कि ओमन ह आयोध्या ले रामेश्वरम तक पद यात्रा करिन हे संग ही गोमती अउ सरयू नदी के उद्गम ले लेके समागम तक यात्रा करके 25 लाख पौधा नदी के तीर लगायिन अउ नदी के सफाई बर लोगन ल जागरूक करिन। ए अभियान म उखर संग 15 लाख लोगन जुड़े हे। छत्तीसगढ़ म घलो ए अभियान चलाए जाहि, जेमा विद्यार्थी, युवा, सामाजिक संगठन, स्वयंसेवी संस्थान ल जोड़े जाहि।
डेका ह पर्यावरण अउ जल संरक्षण बर उखर द्वारा करे जात कार्य के सराहना करत ओमन ल स्मृति चिन्ह देके सम्मानित करिन। ओमन घलो राज्यपाल ल सिंदूर के पौधा भेंट करिन। ए अवसर म फाउंडेशन के सदस्य प्रोफेसर हरिशंकर सिंह उपस्थित रहिन।