रायपुर। मुख्यमंत्री विष्णु देव साय 21 जून के जशपुर जिले के तपकरा म आयोजित वृहद अउ भव्य कार्यक्रम म चरण पादुका वितरण योजना प्रदेशव्यापी शुभारंभ करहि। मुख्यमंत्री ए मौका म तेंदूपत्ता संग्राहक परिवार के महिला मन ल चरण पादुका प्रदान करहि। एखर संग ही छत्तीसगढ़ सरकार के राज्य के तेंदूपत्ता संग्राहक मन ले करे गिस एक अउ वादा पूरा होहि।
गौरतलब हे कि छत्तीसगढ़ सरकार ह अपन संकल्प पत्र म चरण पादुका योजना ल फेर ले शुरू करे जाए के वादा करे रीहिन, जेला पूर्ववर्ती सरकार ह बंद कर दे रीहिन। छत्तीसगढ़ के संवेदनशील सरकार द्वारा पुनः शुरू करे जात, ए योजना राज्य के तेंदूपत्ता संग्राहक परिवार मन के गरिमा अउ सुविधा सुनिश्चित करे के दिशा म एक महत्वपूर्ण पहल हे। ए योजना के क्रियान्वयन बर सरकार ह 40 करोड़ रूपया के स्वीकृति दिन हे। ए योजना सीधे-सीधे राज्य के 12 लाख 40 हजार तेंदूपत्ता संग्राहक परिवार मन के महिला मन ल लाभ पहुंचाहि.. जेमन ल चरण पादुका के निःशुल्क वितरण करे जाहि।
मुख्यमंत्री विष्णु देव साय ह कहिन कि हमर सरकार के प्राथमिकता हमेशा अंतिम पंक्ति के व्यक्ति तक न्याय अउ सुविधा पहुंचाना हे। तेंदूपत्ता संग्राहक परिवार मन के राज्य के अर्थव्यवस्था अउ वनोपज आधारित आजीविका म अमूल्य योगदान हे। चरण पादुका योजना हमर संकल्प पत्र के वादा रीहिन। जेला हमन पूरा करे बर जात हे। ए सिर्फ चरण पादुका के वितरण नहीं, बल्कि संग्राहक परिवार के स्वाभिमान अउ सुरक्षा के प्रतीक हे।
चरण पादुका वितरण योजना के शुरूआत ए बात के प्रमाण हे कि छत्तीसगढ़ सरकार तेंदूपत्ता संग्राहक परिवार मन के आवश्यकता, सम्मान अउ गरिमा के ध्यान रखत हे। ए योजना के उद्देश्य न सिर्फ तेंदूपत्ता संग्राहक परिवार के महिला मन ल सम्मान देना हे, बल्कि कठिन भौगोलिक परिस्थिती म काम करइया संग्राहक महिला मन के सुविधा सुनिश्चित करना घलो हे।
