बुजुर्ग के सम्मान अउ कल्याण बर साय सरकार हे प्रतिबद्ध: मंत्री लक्ष्मी राजवाड़े

रायपुर। समाज कल्याण मंत्री लक्ष्मी राजवाड़े ह आज राजधानी रायपुर के माना कैंप स्थित शासकीय नवीन वरिष्ठजन आश्रम के औचक निरीक्षण  करिन। ओमन ह आश्रम परिसर म निवासरत वरिष्ठ नागरिक मन ले मुलाकात कर उखर समस्या सुनिस अउ जरूरत के संबंध म जानकारी लिन।
मंत्री राजवाड़े ह कहिन कि मुख्यमंत्री विष्णु देव साय के नेतृत्व म छत्तीसगढ़ सरकार बुजुर्ग मन के सम्मान अउ कल्याण बर पूरा तरह प्रतिबद्धता के संग काम करत हे। हमर सरकार वरिष्ठ नागरिक मन बर अउ ज्यादा सुविधा उपलब्ध कराए जाए के दिशा म तत्पर हे।
मंत्री राजवाड़े ह आश्रम के व्यवस्था म संतोष व्यक्त करत साफ-सफाई के स्थिति ल अउ बेहतर बनाए जाए बर जोर दिन। ओमन ह आश्रम म स्वच्छता संबंधी मानक के कठोरता ले पालन करे बर अउ नियमित रूप ले साफ-सफाई सुनिश्चित करे अधिकारी ल निर्देश दिन।
मंत्री राजवाड़े ह आश्रम म बुजुर्ग ले आत्मीयता के संग चर्चा करत उखर स्वास्थ्य, खानपान, मनोरंजन अउ दैनिक आवश्यकता के जानकारी लिन। ए मौके म आश्रम म निवासरत कतको बुजुर्ग मन ह उखर समक्ष अपन अनुभव अउ सुझाव साझा करिन। मंत्री राजवाड़ा ह बुजुर्ग के सुझाव ल गंभीरता ले लेवत सहानुभूतिपूर्वक विचार करे के आश्वासन दिस हे।