रायपुर। छत्तीसगढ़ के भिलाई निवासी वर्ल्ड नंबर-3 अउ एशिया के नंबर-1 पैरा-आर्म रेसलर श्रीमंत झा ह एक बार फेर देश अउ प्रदेश ल गौरवान्वित करिन हे। हाल ही म दिल्ली म आयोजित एशियन पैरा-आर्म रेसलिंग चैंपियनशिप 2025 म ओमन ह प्लस 85 किलोग्राम वर्ग म रजत पदक (सिल्वर) जीतके भारत के परचम लहरायिन हे।
मुख्यमंत्री विष्णु देव साय ह श्रीमंत झा के ए उपलब्धि म बधाई दिन हे अउ कहिन कि छत्तीसगढ़ के होनहार पैरा-एथलीट श्रीमंत झा ह कठिन परिस्थिती ल पार करत जेन अंतर्राष्ट्रीय उपलब्धि हासिल करिन हे, वो युवा मन बर प्रेरणास्रोत हे। उखर सफलता प्रदेश बर गर्व के विषय हे। मुख्यमंत्री ह उखर उज्ज्वल भविष्य बर शुभकामनाएं दिन हे।
श्रीमंत झा ह अपन जीत भारत के शहीद जवान मन ल समर्पित करत कहिन कि ए मोर बर एक विशेष जीत हे। मे हर मैच शहीद मन के स्मृति म खेलथो अउ अब मोर लक्ष्य आगामी अंतर्राष्ट्रीय टूर्नामेंट म देश ल फेर गौरवान्वित करना हे। झा, जेन दुनों हाथ म केवल चार अंगुली के संग जन्मे रीहिन, आज 55 ले अधिक अंतर्राष्ट्रीय पदक जीत चुके हें। वो पैरा-आर्म रेसलिंग चैंपियनशिप 2025 म विश्व स्तर पर तीसरा अउ एशिया म पहिला स्थान म हें।
श्रीमंत झा के ए गौरवशाली उपलब्धि म पीपुल्स आर्म रैसलिंग फेडरेशन इंडिया के अध्यक्ष प्रीति झींज्ञानी, छत्तीसगढ़ आर्म रेसलिंग संघ के अध्यक्ष सुरेश बाबे, चेयरमैन बृज मोहन सिंह, सचिव श्रीकांत अउ कृष्ण साहू ह घलो ओला बधाई अउ शुभकामना दिन हे।
