चंदखुरी म माता कौशल्या महोत्सव के होईस सुरुआत, अंतिम दिन प्रसिद्ध गायक पद्मश्री कैलाश खेर के होही प्रस्तुति
दूसर दिन मैथिली ठाकुर ह घलो संघरही, पर्यटन कैफे अऊ वाटर लेजर शो के घलो होही उद्घाटन
मुड़ा बहही। काबर कि छत्तीसगढ़ सरकार ह इहां कौशल्या महोत्सव के शुरूआत करे हे। अक्ती के दिन शुरू होवईय़ा ए महोत्सव के औपचारिक शुरूआत मंत्री अमरजीत भगत ह करिन। एखर संगे संग ओमन घोसना घलो करिन कि मानस मंडली के महिला मन ल माता कौशल्या अलंकरण ले नवाजे जाही। अक्ती के दिन होए बारिश ले ए दिन तय कार्यक्रम नई हो पाईस एखर चलत दूसर दिन करे के फैसला ले गे हे। मशहूर गायिका कविता पौडवाल अऊ वाराणसी के व्योमेश शुक्ल के प्रस्तुति अब महोत्सव के दूसर दिन होही।
महोत्सव के गरिमा बढ़ाए बर देश की मशहूर युवा क्लासिकल सिंगर मैथिली ठाकुर अऊ देश के प्रख्यात गायक पद्मश्री कैलाश खेर घलो चंदखुरी म अपन प्रस्तुति दिही। मैथिली ठाकुर माता कौशल्या महोत्सव के दूसर दिन अपन प्रस्तुति देही उहें कैलाश खेर महोत्सव के आखिरी दिन 24 अप्रेल के मंच म अपन प्रस्तुति दिही। पहिली दिन महोत्सव म मशहूर भजन गायक कविता पौडवाल अऊ श्रीराम के शक्ति पूजा प्रस्तुत करईया वाराणसी के व्योमेश शुक्ला के प्रस्तुति ह होवईया रिहिस फेर बारिश होए के सती कार्यक्रम ल स्थगित कर दूसर दिन करे गे हे।
बता देन कि राज्य सरकार ह माता कौशल्या के जन्मभूमि चंदखुरी के सदियों पुराना वैभव ल विश्व पटल म स्थापित करे बर, प्रदेश के कला, संस्कृति अऊ पर्यटन ल आगू बढ़ाए बर, महिला सशक्तिकरण, कार्यशील कलाकार मन के संरक्षण, संवर्धन अऊ कला दल मन के सतत विकास बर ए दरी गणतंत्र दिवस के मौका म कौशल्या महोत्सव मनाए के घोषणा करे रिहिस। चंदखुरी म स्थित माता कौशल्य के एकमात्र मंदिर हे जेन पूरा विश्व म अपन तरह के इकलौता अऊ प्राचीन मंदिर हे।
