रायपुर। इंदिरा गांधी कृषि विश्वविद्यालय रायपुर म अंतरराष्ट्रीय सहकारिता वर्ष 2025 के उपलक्ष्य म राष्ट्रीय कृषि सहकारी विपणन संघ (नैफेड) द्वारा कृषि महाविद्यालय, रायपुर के सेमिनार हॉल म प्रश्नोत्तरी, वाद-विवाद अउ निबंध प्रतियोगिता के आयोजन करे गिस। कार्यक्रम म 100 ले अधिक विद्यार्थी मन ह उत्साहपूर्वक भाग लिन अउ सहकारिता अउ कृषि क्षेत्र ले जुड़िन विषय म अपन ज्ञान अउ कौशल के प्रदर्शन करिन। कार्यक्रम के शुभारंभ अतिथी मन के स्वागत के साथ होइस। विभिन्न प्रतियोगिता के पश्चात विजेता मन ल कार्यक्रम के मुख्य अतिथि इंदिरा गांधी कृषि विश्वविद्यालय, रायपुर के कुलपति डॉ. गिरीश चंदेल द्वारा पुरस्कार प्रदान करे गिस। प्रश्नोत्तरी प्रतियोगिता म मोनिका नायक ह प्रथम, अनुष्का चौरसिया ह द्वितीय अउ किशन कुमार ह तृतीय स्थान प्राप्त करिन। वाद-विवाद प्रतियोगिता म गरिमा झा प्रथम, रूपाली साहू द्वितीय अउ अनुष्का चौरसिया तृतीय रहिन। निबंध प्रतियोगिता म तेजश्री ह प्रथम, ऋचा विशाल शर्मा ह द्वितीय अउ कुसुम सरकार ह तृतीय स्थान हासिल करिन। समारोह म राज्य मुख्य अधिकारी, नैफेड संजय कुमार सिंह ह अपन संबोधन म कहिन कि नैफेड किसान मन के हित म देशभर म अनेक योजना के संचालन करत हे। ओमन ह बतायिन कि नैफेड के माध्यम ले किसान मन द्वारा निर्मित स्टोरेज हाउस ल किराए म देके उखर आय बढ़ाईन जा सकत हे, जेखर ले किसान आर्थिक रूप ले सशक्त अउ आत्मनिर्भर बन सकय।
मुख्य अतिथि डॉ. गिरीश चंदेल ह नैफेड के भूमिका म प्रकाश डालत कहिन कि ए संस्था अब केवल अनाज अउ दलहन के खरीदी तक सीमित नई हे, बल्कि आयात-निर्यात के क्षेत्र म घलो सक्रिय भूमिका निभात हे। ओमन कहिन कि भविष्य म भारतीय आयुर्विज्ञान अनुसंधान परिषद (आईसीएमआर) अउ भारतीय कृषि अनुसंधान परिषद (आईसीएआर) कृषि क्षेत्र संयुक्त रूप ले कार्य करहि, जेखर ले पोषण सुरक्षा ल बढ़ावा मिलहि अउ मानव रोग म कमी आहि। विशिष्ट अतिथि रघुवीर सिंह रघुवंशी, निदेशक, नैफेड ह सहकारिता अउ कृषि क्षेत्र म युवा मन के सक्रिय भागीदारी ल समय करे के आवश्यकता बतायिन। कार्यक्रम के आयोजन कृषि महाविद्यालय रायपुर के अधिष्ठाता डॉ. आरती गुहे के समन्वय ले करे गिस। ए अवसर म महाविद्यालय के प्राध्यापक डॉ. रामा मोहन सावु, डॉ. अन्नू वर्मा, डॉ. ऐश्वर्या टंडन, डॉ. पायल जायसवाल सहित अन्य प्राध्यापक अउ विद्यार्थी उपस्थित रहिन।
