रायपुर। ग्रामीण क्षेत्र म महिला मन ह विविध आयाम म आर्थिक सशक्तिकरण के दिशा म कदम बढ़ाए हे। राष्ट्रीय ग्रामीण आजीविका मिशन बिहान ले जुड़के ग्रामीण क्षेत्र के महिला मन के तकदीर बदलत हे। बिहान ले जुड़के राजनांदगांव विकासखंड के ग्राम आरला के लखपति दीदी ममता देवांगन ह सफलता के इबारत लिखत हे।
ममता देवांगन ह अपन मजबूत इरादा अउ आत्मविश्वास ले ओमन ह न केवल अपन परिवार ल मजबूती प्रदान करिन, बल्कि एक सफल व्यवसायी बनिस। ओमन ह बतायिन कि वो बिहान योजना के तहत वो ज्योति स्वसहायता समूह ले जुड़े हे। ओमन ह बिहान योजना के तहत 8 लाख रूपया, प्रधानमंत्री मुद्रा लोन योजना अंतर्गत 10 लाख रूपया अउ वन स्टॉप फैसेलिटी के तहत 1 लाख 20 हजार रूपया के ऋण लिन अउ एक सोमनी म सांई बूट हाऊस अउ राजनांदगांव शहर म सिद्धांत बूट हाऊस दुकान प्रारंभ करिन हे। उखर वार्षिक आय लगभग 5 लाख रूपया अउ प्रतिमाह आय लगभग 50 हजार रूपया हे। शासन के बिहान योजना गरीब अउ जरूरतमंद महिला मन बर मददगार साबित होत हे।
लखपति दीदी ममता देवांगन ह बतायिन कि बिहान ले जुडे ले पहली एक घरेलू महिला रहिन। उखर पति प्लांट म काम करत रहिन। बिहान के जुड़े के बाद वो पुस्तक लिखे के कार्य करत रहिन। जेखर सेती ओमन ह राष्ट्रीय ग्रामीण आजीविका मिशन अंतर्गत पुस्तक संचालक के रूप म चयनित करे गिस। अपन आमदनी ल बढ़ाए बर अउ लइका मन पढ़ाई-लिखाई बर वो बिहान ले जुड़के विभिन्न आजीविका मूलक गतिविधी ले जुड़िन। ओमन ह बतायिन कि स्वयं के व्यवसाय प्रारंभ करे ले आज हमर आर्थिक स्थिति अच्छा हो गे हे अउ लइका मन के पढ़ाई-लिखाई शहर के अच्छा स्कूल म करत हे। दुनों दुकान ले अच्छी आमदनी होए लगे हे।
ओमन ह बतायिन कि भविष्य म दुनों दुकान के विस्तार करना चाहत हे। ओमन ह कहिन कि बिहान ले जुडे के बाद उखर आत्मविश्वास बढ़िन अउ बहुत आर्थिक लाभ होइस। आज वो 3 लोगन ल रोजगार घलो देत हे। ओमन ह कहिन कि बिहान ले जुडे के बाद वो विभिन्न अवसर म एक्सपो अउ प्रदर्शनी म शामिल होए बर दिल्ली, हैदराबाद अउ अन्य स्थान म जात हे, जेखर ले ओमन ह भ्रमण करे बर अउ देश-दुनिया ल समझे के अवसर मिलत हे।