रायपुर। नियद नेल्ला नार अउ जल जीवन मिशन ले बस्तर के दूरस्थ और दुर्गम गांव म घलो स्वच्छ अउ सुरक्षित पेयजल मुहैया कराए जात हे। दुनों योजना के माध्यम ले जम्मों घर म नल ले जल पहुंचाए जात हे। लोक स्वास्थ्य यांत्रिकी विभाग ह सुकमा जिला के कोंटा विकासखंड के सुदूर वनांचल पोटकपल्ली ग्राम पंचायत के आश्रित गांव सालातोंग म जल जीवन मिशन के तहत जम्मों कार्य ल पूर्ण करके हर घर म पेयजल के उपलब्धता सुनिश्चित करत हर घर जल प्रमाणीकरण करे गिस हे। नल ले घर म जल पहुंचाए के पहली उहां पेयजल बर मुख्य रूप ले हैण्डपंप म ही निर्भरता रीहिन।
जिला मुख्यालय सुकमा ले 90 किलोमीटर दूर सालातोंग म जल जीवन मिशन के अंतर्गत करीब 50 लाख रुपया के लागत ले सौर ऊर्जा आधारित जल आपूर्ति के व्यवस्था विकसित करे गिस हे। संवेदनशील इलाका म स्थित सालातोंग नक्सल प्रभावित गांव हे। राज्य शासन के नियद नेल्ला नार के तहत चयनित गांव म विभिन्न योजना के क्रियान्वयन प्राथमिकता ले करे जात हे… जेमा सालातोंग घलो शामिल हे। जल जीवन मिशन के अंतर्गत उहां जल आपूर्ति बर चार पानी टंकी लगाए गे हे। कुल 3800 मीटर पाइपलाइन बिछाके दु सोलर पंप के माध्यम ले गांव के जम्मों घर म शुद्ध पेयजल के आपूर्ति करे जात हे।