रायपुर। मुख्यमंत्री विष्णुदेव साय आज जशपुर जिला के कुनकुरी के महुआटोली म आयोजित सर्व नाई सेन समाज के महासम्मेलन अउ प्रतिभा सम्मान समारोह म शामिल होइस।मुख्यमंत्री साय ह अपन उद्बोधन म कहिन कि नाई समाज ल मेहनती अउ स्वावलंबी समाज के रूप म जाने जाथे। सेन समाज के अनेक लोग आज शिक्षा, व्यापार, प्रशासन अउ तकनीकी क्षेत्र म अपन प्रतिभा के दम म विशिष्ट उपलब्धी हासिल करत हे।
मुख्यमंत्री साय ह कहिन कि ए बछर 12वीं कक्षा के प्रदेश टॉपर अखिल सेन इही समाज ले हे। रायपुर म एआई डेटा सेंटर के स्थापना करे बर जात इंदौर के उद्यमी घलो सेन समाज ले हे। मुख्यमंत्री ह भारत रत्न स्व. कर्पूरी ठाकुर जी के स्मरण करत कहिन कि देश के उन्नति म सेन समाज के योगदान उल्लेखनीय रहे हे।
मुख्यमंत्री साय ह कहिन कि जन्म ले लेके अंत्येष्टि तक कोनो भी संस्कार सेन समाज के योगदान के बिना पूर्ण नहीं होवय। समाज के विविध संस्कार म ए समाज के भूमिका अत्यंत विशिष्ट है। उहें मुख्यमंत्री ह शिक्षा के महत्व म बल देवत कहिन कि शिक्षा केवल रोजगार प्राप्ति के माध्यम नहीं, बल्कि व्यक्तित्व निर्माण के कुंजी हे। जेन समाज म शिक्षा के स्तर ऊंचा होथे। वो समाज उतना ही सशक्त अउ प्रगतिशील बनथे।