रायपुर। मुख्यमंत्री विष्णुदेव साय ह एक बार फेर अपन कथनी अउ करन म सामंजस्य का परिचय देवत ग्रामीण अंचल म शिक्षा व्यवस्था ल सुदृढ़ बनाए के वादा निभायिन हे। सुशासन तिहार के अवसर म ओमन ह अचानक भरतपुर विकासखंड के ग्राम कुँवारपुर (माथमौर) म पहुँचके जब ग्रामीण मन ले सीधा संवाद करे रीहिन, तब उहां के शाला म एकल शिक्षक व्यवस्था म चिंता जतात ग्रामीण मन ह शिक्षक मन के मांग रखे रीहिन। मुख्यमंत्री ह ए मौके म ही आश्वासन देय रीहिन कि विद्यालय खुलत ही शिक्षक मन के तैनाती करे जाहि।
मुख्यमंत्री के ए वादा ल निभात शासन ह त्वरित कार्यवाही करत हुए प्राथमिक शाला तोजी, छपराटोला, दर्रीटोला अउ शिवटोला म शिक्षक मन के युक्तियुक्तकरण नीति के तहत पदस्थापना कर दिन हे। ए निर्णय ले ए विद्यालय म अब नियमित शिक्षण कार्य प्रारंभ हो सकहि अउ विद्यार्थियों को गुणवत्तापूर्ण शिक्षा प्राप्त होहि।
मुख्यमंत्री ल अपन बीच पाके ओ दिन ग्रामवासी मन म गहरा प्रसन्नता अउ गर्व के लहर दौड़ गे रीहिन। अउ अब जब विद्यालय म शिक्षक नियुक्त कर देए गे हे, त ग्रामीण मन ह ए त्वरित अउ संवेदनशील पहल म मुख्यमंत्री साय के हृदय ले आभार प्रकट करिन हे। ग्राम पंचायत तोजी के उप सरपंच हीरालाल यादव सहित अन्य ग्रामीण मन ह ए कदम ल ग्रामीण शिक्षा के दिशा म एक ऐतिहासिक पहल बतायिन।
’शिक्षा के प्राथमिकता, शासन के संवेदनशीलता के प्रतीक’
ए पदस्थापन केवल शिक्षक मन के नियुक्ति भर नई हे, बल्कि ए राज्य सरकार के ओ नीति के हिस्सा हे जेन ष्हर स्कूल म शिक्षक, हर लइका ल शिक्षाष् के संकल्प ल साकार करे के दिशा म लगातार प्रयासरत हे। शासन ह युक्तिकरण नीति के अंतर्गत शिक्षक विहीन अउ एकल शिक्षक शाला ल सर्वोच्च प्राथमिकता देय जात हे, ताकि प्रदेश के कोनो भी लइका शिक्षा ले वंचित न रहे।
इस निर्णय ले न केवल लइका मन ल लाभ मिलहि, बल्कि एखर ले अभिभावक मन, ग्रामीण समाज अउ स्कूल के बीच विश्वास के डोर अउ मजबूत होहि। अवइया समय म ए विद्यालय म लइका मन के उपस्थिति, परीक्षा परिणाम अउ शिक्षा के गुणवत्ता म घलो स्पष्ट सुधार देखे ल मिलहि।
