रायपुर, राजपाल रमेन डेका ले आज लोकभवन मा प्रख्यात लोक कलाकार अउ पंडवानी गायिका तीजन बाई के परिवार के मनखे मन ह सोजन्य भेंट करिन। ए बखत ओमन तीजन बाई के सेहत के बारे मा जानकारी साझा करिन। राजपाल श्री डेका ह पंडवानी के दुनिया भर मा नांव कमाय वाली कलाकार तीजन बाई के सेहत के हाल-चाल जानिन अउ ओकर तुरते नीरोगी होय अउ बने सेहत बर कामना करिन।
बात-चीत के बखत तीजन बाई के परिवार वाले ह बताइन कि ओकर सनमान मा आने वाला 7 अगस्त के एक ‘सनमान समारोह’ (सम्मान समारोह) के आयोजन करे जात हे। परिवार के मनखे मन ह ए मउका मा राजपाल डेका ला समारोह मा मुख्य अतिथि के रूप मा सामिल होय बर नेवता घलो दीन। ए अवसर मा तीजन बाई के पतोहू (पुत्रवधू) वेणू देशमुख के संग परिवार के अउ दूसर सदस्य उपस्थित रीहिन।