रायपुर। मुख्यमंत्री विष्णुदेव साय बीते दिन राजधानी रायपुर मं रोटरी क्लब ऑफ कॉस्मोपॉलिटन रायपुर द्वारा आयोजित कॉस्मो ट्रेड एंड बिल्ड फेयर एक्सपो 2026 के शुभारंभ कार्यक्रम मं शामिल होईस। ए अवसर मं मुख्यमंत्री साय कहिस के विकसित छत्तीसगढ़ के निर्माण मं व्यवसायी मन के महत्वपूर्ण भूमिका होही।
मुख्यमंत्री साय कहिस के छत्तीसगढ़ सरकार हर वर्ग के उत्थान बर काम करत हे। व्यापार जगत के बेहतरी अउ ग्राहक मन ला लाभ पहुँचाय बर जीएसटी दर मं कटौती करे गेय हे, जेनकर सीधे लाभ जनता ला मिलत हे। जीएसटी सुधार ले कई वस्तु मन के कीमत मं कमी आए हे। जीएसटी के प्रक्रिया ला काफी आसान बनाय गेय हे।
मुख्यमंत्री साय कहिस के छत्तीसगढ़ के नई उद्योग नीति ला देश-विदेश मं सराहे जाथे। लगभग आठ लाख करोड़ ले जादा के निवेश प्रस्ताव मिल चुके हें। हर सेक्टर मं निवेश प्रस्ताव मिले हें, जेन ऊपर धरातल मं काम भी सुरू होचुके हे। प्रदेश मं रोजगार सृजन ऊपर खास फोकस हे। नई उद्योग नीति मं हजार ले जादा रोजगार देंय वाले व्यवसायी मन ला विशेष इंसेंटिव देय के प्रावधान करे गे हे।
मूख्यमंत्री साय कहिन कि विकसित छत्तीसगढ़ बनाय बर रोटरी क्लब अउ उद्यमी मन के घलो महत्वपूण भूमिका रहीस। रोटरी क्लब उद्यम के संग संग परोपकार के काम घलो करथे। क्लब द्वारा करे जावत सामाजिक काम बहुत सराहनीय हावय। ये खुशी के बात आय कि ये एक्सपो मध्य भारत के सबले बड़ा एक्सपो आय, जेमां 300 ले जियादा स्टॉल हवंय। ये बड़ आयोजन के फायदा निसिचित रूप ले छत्तीसगढ़ ल मिलही।
रायपुर सांसद बृजमोहन अग्रवाल कहिन कि मुख्यमंत्री विष्णुदेव साय के नेतृतथ्च म छत्तीसगढ़ तेजी ले विकास के राह म आगू बढ़त हावय। छत्तीसगढ़ ल लगभग 8 लाख करोड़ के निवेश प्रस्ताव प्राप्त होय हवंय। ये बहुत खुशी के बात आय कि रोटरी क्लब द्वारा आयोजित ये एक्सपो के 16वां साल आय। रोटरी क्लब सेवा ले जुड़ी एक संस्था आय। क्लब द्वारा पोलियो निर्मूलन के काम म घलो महत्वपूण योगदान दिये गे हवय।
मुख्यमंत्री साय कार्यक्रम म मोबाइल आई क्लीनिक के एम्बुलेंस के लोकार्पण करे। तेन अलग-अलग सेक्टर म विशिष्ट योगदान देय 25 महिला उद्यमी ल सम्मानित करे अउ ये महिला उद्यमी मन ऊपर के पुस्तक के विमोचन घलो करे।