रायपुर। मुख्यमंत्री साय के संवेदनशील पहलकदमी ले मुख्यमंत्री जनदर्शन मा आज महासमुंद जिला के बसना विकासखंड के गाँव बड़ेटेमरी के रहइया बसंती साव ला मुख्यमंत्री आर्थिक सहायता योजना के तहत 5 लाख रूपिया के आर्थिक सहायता राशि के तुरंत मंजूरी मिलिस। बसंती साव बताइस के ओकर दूनों पांव लकवाग्रस्त हवंय। ओकर इलाज रायपुर स्थित AIIMS, मेकाहारा अउ एक निजी अस्पताल मा कराए जा चुके हवय अउ इलाज अभी भी जारी हवय। ए कारण ओकर गंभीर परेशानियन के सामना करना परत हवय। आगू के इलाज खातिर करीब 6 लाख 40 हजार रूपिया के खर्च अनुमानित हवय। आर्थिक रूप ले कमजोर अउ गरीब परिवार से येकर होय के कारण ओकर बर ये खर्च उठाना संभव नई रहिस।
उनकर पती प्रेमकुमार साव कहिन कि मुख्यमंत्री जनदर्शन म अपन पीड़ा रखे के बाद उहाँ मन ला तुरंत मदद मिलिस। उहाँ मन मुख्यमंत्री के संवेदनशीलता के सराहना करत, आर्थिक मदद के जल्दी मंजूरी खातिर आभार जताइन।
जनदर्शन के दौरान मुख्यमंत्री साय बसंती साव के आवेदन ला गंभीरता से देखिन अउ ओकर स्थिति ला समझत संबंधित अधिकारी मन ला तुरंत निर्देशन दे दीन, ताकि बिना कोई देरी के मदद मिल सके। मुख्यमंत्री के निर्देश म सहायता रकम के तुरंत मंजूरी दे दी गीस। उल्लेखनीय हे कि एले पहिली घलो मुख्यमंत्री के पहल म उहाँ मन ला 25 हजार रुपिया अउ 50 हजार रुपिया के आर्थिक मदद दी गीस हे।