रायपुर। स्वास्थ्य मंत्री अऊ बलौदाबाजार-भाटापारा जिला के प्रभारी मंत्री श्याम बिहारी जायसवाल आज जिला मं एक दिन के दौरा मं रिहिन। ए दौरान उन मन झिला अस्पताल ला निरीक्षण करके व्यवस्था के हाल-चाल जानिन। उन मन जिला अस्पताल मं स्थित इंटिग्रेटेड पब्लिक हेल्थ लैब (IPHL) ला भारत सरकार के नेशनल क्वालिटी एश्योरेंस प्रोग्राम (NQAS) के तहत क्वालिटी सर्टिफिकेट मिलय के बधाई दीस।
जायसवाल जिला अस्पताल के डायलिसिस सेंटर, मातृ शिशु अस्पताल अऊ फिजियोथेरेपी सेंटर ला देखिन। संग मं मरीज मन ले भेंट करके ओकर हाल-चाल पूछि। उन मन संस्थागत प्रसव मं हुए बढ़ोतरी खातिर जिला मं होवत काम के सराहना करिन अऊ 50 बिस्तर वाले मातृ शिशु अस्पताल मं बेड्स के संख्या बढ़ाय के बात कहिन। स्वास्थ्य मंत्री मुरुम तालाब के लगे एक इंटीग्रेटेड यूनिट बनाय के बात घलो कहिन, जिहां योग, नेचुरोपैथी अऊ आयुर्वेद उपचार प्रणाली के साथ-साथ सियान क्लिनिक अऊ दूसर सुविधा भी होही।
स्वास्थ्य विभाग के अधिकारी मन बताए के अभी एहाँ हर महीना 450 ले ज्यादा प्रसव होवत हवय, जेम मं ले 200 सिजेरियन प्रसव हे। एखर अलावा इहां प्रतिमाह 300 ले अधिक डायलिसिस घलो करे जात हे।
Leave a comment