नगर प्रशासन अऊ विकास विभाग ह रायपुर नगर निगम छेत्र म 11 काम खातिर दू करोड़ 34 लाख 44 हजार रुपिया मंजूर करे हवंय। उप मुख्यमंत्री अऊ नगर प्रशासन मंत्री श्री अरुण साव के मंजूरी के बाद विभाग ह संचालनालय ले इनकर मंजूरी के आदेश जारी करे हवंय। चालू आर्थिक बछर 2025-26 म प्रावधानित अधोसंरचना मद ले ये काम मंजूर करे गें हवय।
नगर प्रशासन अऊ विकास विभाग ह रायपुर नगर निगम के वार्ड क्रमांक-8 महात्मा गांधी वार्ड म दू सी.सी. रोड खातिर क्रमशः साढ़े नौ लाख रुपिया अऊ नौ लाख 98 हजार रुपिया मंजूर करे हवंय। विभाग द्वारा महात्मा गांधी वार्ड मच सी.सी. रोड अऊ नाली बनाय बर 16 लाख 70 हजार रुपिया मंजूर करे गें हवंय। वार्ड क्रमांक-3 संत कबीर दास वार्ड म तीन सी.सी. रोड अऊ नाली बनाय बर 30 लाख रुपिया अऊ 19-19 लाख रुपिया के मंजूरी देय गे हवय।
नगर प्रशासन विभाग ह वार्ड क्रमांक-5 बंजारी माता वार्ड म पांच काम खातिर रकम मंजूर करे हवय। एमा 35 लाख रुपिया अऊ 18 लाख 44 हजार रुपिया लागत के दू सी.सी. रोड अऊ पुलिया बनाय के काम सामिल हवंय।
Leave a comment