रायपुर। राज्यपाल रमेन डेका द्वारा गोद लइगे गाव मन म आजीविका, कौशल विकास अउ सामाजिक सुरक्षा ले जुड़े काम ला पहिली प्राथमिकता म करे के निर्देश दिये गे हवंय।
राज्यपाल रमेन डेका ह आज समाज कल्याण विभाग, राज्य ग्रामीण आजीविका मिशन अउ हथकरघा विभाग के अधिकारी मन संग बैठक करके गोद लइ गे गाव मन म योजना के प्रगति के समीक्षा करे हवंय।
उल्लेख करे ल योग्य हे के राज्यपाल ह खैरागढ़–छुईखदान–गंडई जिला के ग्राम सोनपुरी, बेमेतरा जिला के ग्राम टेमरी अउ गरियाबंद जिला के ग्राम बिजली ला गोद लिय हे। ये गाव मन म शासन के विभिनय कल्याणकारी योजना के प्रभावी क्रियान्वयन सुनिश्चित करे अउ समावेशी विकास बढ़ावा देय के पहल करे गे हे।
राज्यपाल ह लाइवलीहुड मिशन के तहत कौशल विकास ऊपर जोर देत कहिस कि गोद गाँव मन म बिस्तार ले सर्वे कर के स्थानीय जरूरत के मुताबिक प्रशिक्षण दीजावय। दिव्यांग मन ला जरूरी सहायक उपकरण, पात्र लाभुक मन ला पेंशन अउ दूसर सामाजिक सुरक्षा के लाभ सुनिश्चित कराय जावय। महतारी मन ला स्व-सहायता समूह ले जोड़य अउ आजीविका गतिविधि म तेखर भागीदारी बढ़ाय के हुकुम दीस।
राज्यपाल साफ कहिस कि कौशल विकास म गुणवत्ता म कऊनो समझौता नई होना चाही। वइसने गोद गाँव ला घुमके जमीन स्तर म जरूरत अनुसार कारवाही सुनिश्चित करे के हुकुम अधिकारी मन ला दीस।
बैठक म समाज कल्याण विभाग के संचालक रोक्तिमा यादव, छत्तीसगढ़ राज्य ग्रामीण आजीविका मिशन के संचालक अश्वनी देवांगन अउ दूसर अधिकारी मन मौजूद रहिन।
