रायपुर। जीरो टॉलरेंस (Zero Tolerance) के नीति म अमल कर राज्य शासन ह भ्रष्टाचार म संलिप्तता अउ गिरफ्तारी म लोक निर्माण विभाग के एक ईई अउ दु एसडीओ ल निलंबित कर दिन हे। विभाग ह बीजापुर के नेलसनार-कोडोली-मिरतुल-गंगालुर मार्ग के निर्माण कार्य म होए भ्रष्टाचार के संबंध म गंगालूर थाना म अपराध पंजीबद्ध होए के बाद विवेचना के बेर प्रकरण म संलिप्तता म लोक निर्माण विभाग के संभाग सुकमा के कार्यपालन अभियंता हरनारायण पात्र, उपसंभाग क्रमांक-1 बीजापुर के अनुविभागीय अधिकारी प्रमोद सिंह तंवर अउ सेतु उपसंभाग जगदलपुर के अनुविभागीय अधिकारी संतोष दास ल तत्काल प्रभाव ले निलंबित कर दिन हे।
उप मुख्यमंत्री अउ लोक निर्माण मंत्री अरुण साव के अनुमोदन के बाद विभाग ह आज मंत्रालय ले तीनो अभियंता मन के तत्काल प्रभाव ले निलंबन के आदेश जारी करिन हे। निलंबन अवधि म इखर मुख्यालय प्रमुख अभियंता कार्यालय, नवा रायपुर निर्धारित करे गिस हे। निलंबन अवधि म एमन ल नियमानुसार जीवन निर्वाह भत्ता के पात्रता होहि।
