रायपुर। छत्तीसगढ़ सरकार के किसान हितैषी योजना के लाभ अब जमीनी स्तर म दिखे बर लगे हे। धान खरीदी के बेहतर व्यवस्था अउ 3100 रुपया प्रति क्विंटल के दर ले मिलत लाभकारी मूल्य ह किसानमन के जीवन म नवा खी भर दे हें। इही कड़ी म दुर्ग जिला के ग्राम फेकारी निवासी किसान सोमेश्वर साहू के कहानी सुशासन अउ समृद्धि के एक नवा मिसाल पेश करत हे।
सोमेश्वर साहू, जेन ह ग्राम फेकारी के रहइया हे, जेन अपन 6 एकड़ के खेती ले पूरा परिवार के भरण-पोषण करत हे। ओमन ह धान उपार्जन केंद्र म अपन फसल बेचिस, जेखर ले ओमन ल कुल 2 लाख 80 हजार रुपया के राशि प्राप्त होइस। एमा से 1 लाख रुपया के पुराना कर्ज चुकाने के बाद घलो उखर तीर 1 लाख 80 हजार रुपया के बड़का राशि शेष बचिस हे। सोमेश्वर के चेहरा के मुस्कान ए बताए बर काफी हे कि अब ओमन ल अपन आर्थिक जरूरत बर परेशान नहीं होना पड़हि।
किसान सोमेश्वर साहू ह उत्साह के संग बतायिन कि खेती के ए कमाई ले अब में अपन बेटा ल बी.टेक (इंजीनियरिंग) के पढ़ाई करा पात होँ। पहली पढ़ाई के खर्च के चिंता रहत रीहिन, लेकिन अब धान के अच्छी कीमत मिले ले हमन अपन लइका ल उच्च शिक्षा दिलाए म सक्षम हो ग हन।