रायपुर। सड़क दुर्घटना म गंभीर रूप ले घायल 19 वर्षीय नंदकुमार पटेल निवासी ग्राम मुरली तहसील पाली जिला कोरबा ल ईलाज बर पिछले दिन सिम्स अस्पताल लाए गे। जांच म ए बात सामने आए कि युवक के दाएं तरफ के चेहरे के सारी हड्डियां चकना-चूर हो गे रीहिन। चेहरा पूरी तरह ले छत-विछत हो गे रीहिन। अतः मरीज के ईलाज बर चेहरा के सीटी स्केन कराए गिस । आवश्यक जम्मों खून जांच अउ सीटी स्केन करे के बाद मरीज के आपरेशन करे के निर्णय लिय गिस ,क्योंकि दुर्घटना के बेर अत्याधिक रक्त स्राव हो जाए के सेती आपरेशन के बेर भी खून चढ़ाए गिस।
ए आपरेशन अत्याधिक जटिल होए के सेती 6 ले 7 घंटा चलय, ए आपरेशन के खास बात ए है कि मरीज के चेहरा के ध्यान रखत सिर म एक चीरा लगाए गिस जेला हेमीकोरोनल इनसीजन कहत हे , दूसर चीरा आंख के अन्दर ले लगाए गिस। ए सर्जरी के खास बात ए हे कि चेहरा म एक घलो चीरा नहीं लगाए गिस जेखर ले युवक के चेहरा खराब नई होइस सामान्य जीवन जीने म मदद मिलहि। हड्डी जोड़े बर ए एक नवा पद्धति हे जेमा चेहरे के ऊपर एक घलो चीरा के निशान नई पड़त हे। ए टूटे हड्डी के जोड़े बर 10 प्लेट्स अउ 35 स्क्रू के इस्तेमाल करना पड़िस जेखर ले मरीज के हड्डी ल अपन सही जगह म स्थापित करे जा सके।
ए आपरेशन ल सफल बनाए म दंत रोग विभाग, एनेस्थीसिया विभाग अउ रेडियोलाजी विभाग के चिकित्सक के टीम बनाए गे रीहिन। स्वास्थ्य मंत्री श्याम बिहारी जायसवाल ह ए आपरेशन के सराहना करत छत्तीसगढ़ आयुर्विज्ञान संस्थान सिम्स के डीन, अधीक्षक अउ जम्मों चिकित्सक मन के कार्य के सराहना करत उखर उत्साहवर्धन करिन हे।