रायपुर। राज्य सरकार के फ्लैगशिप महतारी वंदन योजना महिला मन के जीवन म सकारात्मक बदलाव लात हे। योजना के तहत महिला मन ल प्रति माह 1,000 रुपया के आर्थिक सहायता प्रदान करे जात हे, जेखर ले वो अपन दैनिक आवश्यकता के पूर्ति करके आत्मनिर्भर बनत हें।
बलौदाबाजार-भाटापारा जिला के ग्राम सकरी निवासी बृज बाई साहू ह बतायिन कि महतारी वंदन योजना के अंतर्गत ओमन अब तक 22 किश्त म कुल 22,000 रुपया के राशि सीधा उखर बैंक खाता म प्राप्त हो चुके हे। ए राशि के उपयोग वो सब्जी-भाजी, राशन सहित अन्य घरेलू आवश्यकता के पूर्ति म करत हे, जेखर ले उखर परिवार के आर्थिक स्थिति म सुधार होए हे। बृज बाई साहू ह बतायिन कि महिला मन ल आगु बढ़ाए बर अउ आर्थिक रूप ले सशक्त बनाए के दिशा म मुख्यमंत्री विष्णु देव साय द्वारा करे जात ए कार्य अत्यंत सराहनीय हे। ओमन ह ए योजना बर मुख्यमंत्री के हृदय ले धन्यवाद ज्ञापित करिन।
उल्लेखनीय हे कि महतारी वंदन योजना के तहत राज्य सरकार द्वारा अब तक 22 किश्त जारी करे जा चुके हे। हाल ही म 3 दिसंबर 2025 ल मोहला-मानपुर जिला ले मुख्यमंत्री विष्णु देव साय ह 22वीं किश्त के राशि महिला के खाता म अंतरित करे गिस।
बृजबाई ह मुख्यमंत्री के प्रति धन्यवाद ज्ञापित करिन हे।