रायपुर। पोलियो दिवस के अवसर म छत्तीसगढ़ म पोलियो अभियान के आयोजन 21 ले 23 दिसंबर 2025 तक करे जाहि। अभियान के पहली दिन 21 दिसंबर के प्रदेशभर म 0 ले 5 वर्ष तक के जम्मों लइका मन ल पोलियो के खुराक पिलाए के लक्ष्य रखे गिस हे। 22 अउ 23 दिसम्बर ल पोलियो के खुराक ले छूटे लइका मन ल घर घर जाकर खुराक दे जाहि। अभियान के सुचारु संचालन ल लेकर बुधवार ल मंत्रालय महानदी भवन, अटल नगर, नवा रायपुर म राज्य स्तरीय टीकाकरण टास्क फोर्स समिति के अहम बैठक आयोजित करे गिस।
बैठक के अध्यक्षता करत स्वास्थ्य अउ परिवार कल्याण विभाग के सचिव अमित कटारिया ह स्पष्ट निर्देश दे कि पल्स पोलियो अभियान म कोनो घलो बच्चा छूटने न पाए। एखर बर शहरी अउ ग्रामीण क्षेत्र म व्यापक प्रचार-प्रसार, घर-घर पहुंच अउ संवेदनशील इलाका म विशेष फोकस करे के निर्देश देय गे। ओमन ह कहिन कि 21 दिसंबर ल अभियान के सफलता पूरा कार्यक्रम के दिशा तय करहि।
बैठक म डॉ. संजीव कुमार झा (संचालक, स्वास्थ्य सेवाएं), डॉ. निर्मला यादव (संयुक्त संचालक, आरसीएच), डी. एस. मरावी (महिला एवं बाल विकास विभाग), बी. एल. देवांगन (लोक शिक्षण विभाग), निशा सिंह (यूएनडीपी), नितिन पाटिल विभिन्न विभाग मन के अधिकारी अउ कर्मचारी उपस्थित रहिन। जम्मों ह विभागीय समन्वय के संग 21 दिसंबर ल अभियान ल शत-प्रतिशत सफल बनाए के प्रतिबद्धता दोहराईन।
बैठक म उप संचालक अउ राज्य टीकाकरण अधिकारी डॉ वी. आर. भगत ह समिति ल अभियान के संपूर्ण रूपरेखा, माइक्रो प्लानिंग, बूथ व्यवस्था, मोबाइल टीमों, ट्रांजिट टीम अउ निगरानी तंत्र के विस्तृत जानकारी दिन। ओमन ह बतायिन कि अभियान तीन दिन तक चलाए जाहि, ताकि छूटे हुए लइका मन ल घलो कवर करे जा सकय।