रायपुर। मुख्यमंत्री साय ह प्रधानमंत्री नरेंद्र मोदी के जन्म दिवस के अवसर म राजधानी रायपुर स्थित सड्डू के प्रयास आवासीय विद्यालय म आदि सेवा पखवाड़ा के शुभारंभ करिन। ए अवसर म ओमन ह कहिन कि आदि कर्मयोगी अभियान जनजातीय गांव के जमीनी बदलाव के दिशा म ऐतिहासिक भूमिका निभाही। मुख्यमंत्री साय ह प्रदेश के 3 करोड़ जनता के कोती ले प्रधानमंत्री मोदी ल जन्मदिन के बधाई दिन अउ उखर शतायु अउ दीर्घायु जीवन के कामना करिन। कार्यक्रम म अनुसूचित जाति विकास मंत्री गुरु खुशवंत साहेब, विधायक मोतीलाल साहू सहित अनेक जनप्रतिनिधि उपस्थित रहिन।
मुख्यमंत्री साय ह कहिन कि ए अभियान के अंतर्गत प्रदेश के जम्मों जनजातीय गांव के ट्राइबल विजन डाक्यूमेंट 2030 तैयार करे जाहि, जेन दीर्घकालीन विकास के रोडमैप बनहि। आगामी 2 अक्टूबर के आयोजित ग्राम सभा म एखर अनुमोदन करे जाहि। उल्लेखनीय हे कि प्रधानमंत्री नरेंद्र मोदी ह आज मध्यप्रदेश के धार ले ए अभियान के राष्ट्रव्यापी शुभारंभ करिन। मुख्यमंत्री साय ह कहिन कि आदि कर्मयोगी अभियान के उद्देश्य जनजातीय गांव म नेतृत्व क्षमता के विकास करना हे। एखर तहत अइसे वालंटियर चिन्हांकित करे जाहि जेन गांव के बेहतरी बर विजन रखत हों अउ उखर जमीनी स्तर म लागू कर सकय। देशभर म 20 लाख वालंटियर तैयार करे के लक्ष्य हे, जेमा ले छत्तीसगढ़ के 6,650 गांव म 1 लाख 33 हजार वालंटियर तैयार करे जाहि। ओमन ह बतायिन कि सरकार ह आदि सेवा केंद्र के स्थापना घलो करिन हे, जिहां ग्रामीण शासन के सेवा के लाभ उठा सकय अउ अपन शिकायत घलो दर्ज कर सकहि।
मुख्यमंत्री साय ह कहिन कि हमर देश के जनजातीय विरासत गौरवशाली रहे हे। राज्य सरकार शहीद वीरनारायण सिंह अउ गुंडाधुर जइसे जनजातीय नायक मन के आदर्श मन ले प्रेरणा लेकर आगु बढ़त हे। नवा रायपुर म जनजातीय नायक मन के स्मृति ल सहेजे बर म्यूजियम के निर्माण करे जात हे। उहें ट्राइबल म्यूजियम म छत्तीसगढ़ के जनजातीय संस्कृति के सुंदर झलक प्रस्तुत करे गिस हे। ओमन कहिन कि प्रधानमंत्री मोदी द्वारा जनजातीय गांव बर पीएम जनमन योजना अउ धरती आबा जनजातीय उत्कर्ष ग्राम अभियान के अंतर्गत देए गे बजट के अनुरूप तेजी ले कार्य होत हे। जेन क्षेत्र तक विकास के गति अभी पूर्ण रूप ले नहीं पहुँचे हे, उहाँ अब आदि कर्मयोगी अभियान के माध्यम ले प्रत्येक घर तक विकास पहुँचाय जाहि और समाज के मुख्यधारा ले जोड़ा जाहि।