रायपुर। बालोद जिला म लगातार होत बारिश ले खेत म भरपूर जल के मात्रा आ चुके हे, जेखर ले किसान मन के चेहरा खिल उठे हे। राज्य शासन द्वारा किसान मन ल रासायनिक उर्वरक कें निर्बाध आपूर्ति सुनिश्चित करे बर निरंतर प्रयास करत हे। जेखर तहत बालोद जिला के डौण्डी विकासखण्ड के ग्राम गुजरा स्थित आदिम जाति सेवा सहकारी समिति म निरंतर ही किसान मन ल खाद बीज उपलब्ध कराए जात हे। समिति के प्रबंधक ह बतायिन कि समिति के माध्यम ले अब तक 300 टन ले अधिक रासायनिक खाद, 150 क्विंटल ले अधिक बीज के वितरण किसान मन ल करे जा चुके हे। ओमन ह बतायिन कि वितरीत करे गे खाद म 100 टन युरिया, 102 टन सुपर फास्फेट, 60 टन पोटाश, 80 टन एनपीके, 35 टन डीएपी सहित अन्य उर्वरक शामिल हे।
इही प्रकार किसान मन के मांग के अनुरूप ओमन ह विभिन्न प्रकार के बीज के घलो वितरण करिन हे। सहकारी समिति गुजरा ले खाद प्राप्त कर चुके ग्राम भैंसबोड़ के किसान तुलूराम कोसमा ह बतायिन कि वो लगभग 05 एकड़ म खेती किसानी के कार्य करत हे। ओमन ल सहकारी समिति ले यूरिया, पोटाश, डीएपी, सुपर फास्फेट मिल चुके हे। जेखर उपयोग वो अपन खेत म आनुपातिक रूप ले करहि। जेखर ले ओमन ह फसल उत्पादन म लाभ मिलहि। ओमन ह बतायिन कि लगातार होत बारिश ले खेत म भरपूर पानी हे, अभी वो रोपाई के कार्य करत हे।