रायपुर। राज्य शासन के युक्तियुक्तकरण प्रक्रिया के सकारात्मक प्रभाव अब सुदूर ग्रामीण अंचल म घलो स्पष्ट रूप ले नजर आए लगे हे। सुकमा विकासखंड के शासकीय विद्यालय म शिक्षक मन के पदस्थापना ले जिहां शिक्षा के गुणवत्ता म सुधार आए हे, उहें विद्यार्थी मन के उपस्थिति घलो बढ़िन हे।
विकासखंड शिक्षा अधिकारी सुखराम देवांगन ह जानकारी दिन कि सुकमा म कुल 246 शासकीय विद्यालय संचालित होत हे, जेमा 181 प्राथमिक, 65 माध्यमिक, 13 हाई स्कूल और 7 हायर सेकेंडरी स्कूल शामिल हे। युक्तियुक्तकरण ले पूर्व 1 विद्यालय पूर्णतः शिक्षकविहीन रीहिन। जबकि 42 विद्यालय एकल शिक्षक के भरोसा संचालित होत रीहिन। शासन द्वारा करे गे पारदर्शी युक्तियुक्तकरण प्रक्रिया के चलत ए विद्यालय म शिक्षक मन के नियमित पदस्थापना सुनिश्चित होए हे।
सुकमा कलेक्टर देवेश धु्रव ह बतायिन कि अब विद्यालय म शिक्षक मन के संख्या संतुलित हो गे हे, जेखर ले विद्यार्थी ल जम्मों विषय के नियमित शिक्षा अउ मार्गदर्शन मिलत हे। एखर प्रत्यक्ष लाभ छात्र मन के उपस्थिति अउ प्रदर्शन म देखे ल मिलत हे।
विद्यालय प्रबंधन समिति ह ए पहल ल ग्रामीण अउ पिछड़ा क्षेत्र म शिक्षा के स्तर ल ऊपर उठाए के दिशा म महत्वपूर्ण बतायिन हे। समिति के कहिना हे कि अब छात्र नियमित रूप ले कक्षा म भाग लेत हे अउ ओमन ह निजी ट्यूशन या बाहरी मदद के जरूरत नहीं पड़त हे। एखर ले ग्रामीण शिक्षा व्यवस्था ल मजबूती मिलत हे अउ शिक्षण व्यवस्था म नवा विश्वास पैदा होए हे।