बलौदाबाजार। जिला मुख्यालय बलौदाबाजार ले करीब 40 किमी के दूरी म स्थित प्राकृतिक सौंदर्य ले परिपूर्ण सिद्धखोल जलप्रपात ल इको टूरिज्म के रूप म विकसित करे के पहल करे गिस। वनमण्डलाधिकारी गणवीर धम्मशील ह सौंदर्य ले भरपूर ए जलप्रपात के निरीक्षण करके परिक्षेत्र अधिकारी सोनाखान ल कार्य योजना बनाए बर निर्देशित करिन हे| वनमंडल अधिकारी बतायिन कि सिद्धखोल जलप्रपात म पर्यटक मन के सुरक्षा, सुविधाएं विकसित करे बर वन विभाग अउ वन प्रबंधन समिति कुकरिकोना द्वारा नवा नवा प्रयास करे जात हे।
निर्देशनुसार परिक्षेत्र अधिकारी सोनाखान सुनीत साहू द्वारा कुकरीकोना समिति के सदस्य मन के संग मिलके सिद्धखोल जलप्रपात म प्लास्टिक कचरा प्रबंधन बर नवा शुरुआत करे गिस हे। जब पर्यटक सिद्धखोल जलप्रपात म प्लास्टिक बोतल लेक पहुंचहि तब जांच नाका म उखर ले निर्धारित शुल्क लेके एक स्टीकर प्लास्टिक पॉलीथिन म लगाके देय जाहि। वापसी म उक्त स्टीकर लगे प्लास्टिक ल वापस जमा करे म शुल्क वापस कर दे जाहि।
वन प्रबंधन समिति कुकरिकोना के संचालन म सहभागिता
सिद्धखोल जलप्रपात ल संचालन बर कुकरीकोना समिति ल जोड़े गिस हे जेखर कि उहां के बेरोजगार युवा मन अउ ग्रामीण मन ल रोजगार के अवसर प्राप्त हो सकय। संग ही वन क्षेत्र के सुरक्षा के संग-संग इको पर्यटन के आधार म जलप्रपात के संचालन हो सकय I
एखर अतिरिक्त महिला स्वयं सहायता समूह द्वारा कैंटीन के संचालन अउ टिकट व्यवस्था म सुधार करे के योजना बनाए गिस हेI
