रायपुर। छत्तीसगढ़ सरकार के योजना एक ओर धरातल म उतरत हे अउ किसान मन के जिंदगी म सकारात्मक बदलाव लात हे। ए कहानी सुकमा जिला के कोंटा विकासखंड अंतर्गत ग्राम पुनपल्ली के किसान कलमू देवा के हे, जेखर खेती किसानी अब अउ आसान हो गे हे। सरकारी योजना के मदद ले ओला समय म अउ पर्याप्त मात्रा म खाद अउ बीज मिलत हे, वो घलो शून्य प्रतिशत ब्याज म।
कलमू देवा के तीर कुल 5 एकड़ जमीन हे, जेमा वो धान के खेती करत हे। ओमन ह बतायिन कि हाल ही म वृहताकार सेवा सहकारी समिति दुब्बाटोटा ले 2 बोरी यूरिया अउ पहली 6 बोरी धान बीज बिना ब्याज के लिन। सहकारी समिति म जम्मों प्रकार के रासायनिक उर्वरक जइसे डीएपी, एनपीके, पोटाश अउ कीटनाशक उपलब्ध हे, जेखर ले समय म खेती शुरू हो सके हे।
कलमू देवा ह बतायिन कि गांव के जम्मों किसान सहकारी समिति ले समय म खाद-बीज ले पात हे। पहली खाद बर बहुत परेशानी होत रीहिन, लेकिन अब सोसायटी म रासायनिक खाद अउ बीज के कमी नई हे। में मुख्यमंत्री विष्णु देव साय के दिल ले आभार प्रकट करत हो, जेखर योजना ले हम किसान मन ल अतना बड़का मदद मिलत हे।
गौरतलब हे कि सुकमा जिला के कोंटा विकासखंड के 14 गांव के किसान ए सहकारी समिति ले लाभ लेत हे। सरकार के ए पहल ले खेती करना अब पहली ले कहीं ज्यादा आसान अउ सुलभ हो गे हे।
