रायपुर। सूरज के तेज गर्मी ले सोलर पैनल ल ऊर्जा मिले ले लोगन ल आसानी ले बिजली मिलत हे जेखर ले घर रोशन होत हे। प्रधानमंत्री सूर्यघर मुफ्त बिजली योजना आम नागरिक मन बर लाभकारी सिद्ध होत हे।
बलौदाबाजार शहर के प्रतिष्ठा कॉलोनी निवासी प्रसन्न दीवान ह ए योजना के तहत अपन घर के छत म 5 किलोवाट क्षमता के सोलर सिस्टम स्थापित कर योजना के लाभ उठायिन हे। ओमन ह बतायिन कि योजना के जानकारी ओमन ल समाचार पत्र के माध्यम ले प्राप्त होइन जेखर बाद ओमन ह बिजली विभाग ले संपर्क करके विस्तृत जानकारी लिन। दीवान ह बतायिन कि आवेदन प्रक्रिया पूरी तरह ऑनलाइन अउ सरल हे। ओमन ह योजना के तहत आवेदन कर 5 किलोवाट के सौर ऊर्जा प्रणाली अपन घर म स्थापित करायिन, जेखर ले ओमन ह ₹78,000 के सब्सिडी प्राप्त होइस। ए प्रणाली पिछला 6 महीना ले सुचारू रूप ले कार्य करत हे अउ एखर ओमन ल प्रत्यक्ष रूप ले आर्थिक लाभ होत हे। पहली जिहां ओमन ह हर माह भारी भरकम बिजली बिल चुकाना पड़त रीहिन, अब बिजली बिल लगभग शून्य हो गे हे।
ओमन ह कहिन कि प्रधानमंत्री सूर्यघर योजना ले न केवल बिजली बचत होत हे, बल्कि ए पर्यावरण संरक्षण के दिशा म घलो एक महत्वपूर्ण कदम हे। दीवान ह जम्मों नागरिक मन ले अपील करिन हे कि वो घलो अपन घर म ए योजना के लाभ लेके न केवल बिजली के बचत करय, बल्कि अपन आय म घलो वृद्धि करिन। एखर बर दीवान ह प्रधानमंत्री मोदी अउ मुख्यमंत्री विष्णु देव साय के आभार व्यक्त करत कहिन कि ए योजना आमजन के जीवन म सकारात्मक बदलाव लात हे अउ देश ल ऊर्जा के क्षेत्र म आत्मनिर्भरता के कोती ले जात हे।
