रायपुर। चालू खरीफ सीजन म राज्य के किसान मन ल सरकारी समिती अउ निजी क्षेत्र के माध्यम ले प्रमाणित बीज उपलब्ध कराए जात हे। अब तक किसान मन ल विभिन्न खरीफ फसल बर 5 लाख 76 हजार क्विंटल प्रमाणित बीज प्रदाय करे जा चुके हे, जेन कि राज्य म बीज के मांग के 116 प्रतिशत हे।
गौरतलब हे कि राज्य म खरीफ के विभिन्न फसल के बीज के कुल मांग 4.95 लाख क्विंटल हे, जेखर विरूद्ध समस्त स्त्रोत ले 7.22 लाख क्विंटल प्रमाणित बीज भण्डारण कर किसान मन ल अब तक 5 लाख 76 हजार क्विंटल प्रमाणित बीज वितरित करे गे हे। एमा 5 लाख 57 हजार 229 क्विंटल धान बीज, 10 हजार 246 क्विंटल मक्का, 1898 क्विंटल अरहर, 2597 क्विंटल सोयाबीन अउ 4339 क्विंटल अन्य खरीफ फसल के बीज शामिल हे।
