रायपुर। स्वास्थ्य मंत्री श्याम बिहारी जायसवाल के निर्देश म बुधवार के बलौदाबाजार जिला के विकासखंड कसडोल अउ पलारी के डायरिया प्रभावित क्षेत्र म स्वास्थ्य संचालनालय ले आईडीएसपी के उप संचालक डॉ. खेमराज सोनवानी अउ सलाहकार श्वेता शर्मा ह भ्रमण कर स्थिति के जायज़ा लिन।
राज्य कार्यालय ले आये अधिकारी मन ह पलारी म भर्ती मरीज मन ले मिलके उखर कुशल क्षेम पूछिन, एखर बाद प्राथमिक स्वास्थ्य केंद्र अर्जुनी ब सहित ग्राम बरबसपुर म लगे डायरिया स्वास्थ्य शिविर सहित बल्दा कछार के घलो निरीक्षण करिन। पलारी म ए बेर केवल चार मरीज ही भर्ती हे शेष ठीक होके जा चुके हे। उपचार बाद भर्ती चार मरीज पूरा तरह ले सामान्य हे । कसडोल के ग्राम बरबसपुर म मिले कुल केस म 4 ही वर्तमान म भर्ती हे, जेमा 3 प्राथमिक स्वास्थ्य केंद्र अर्जुनी अउ एक सामुदायिक स्वास्थ्य केंद्र कसडोल म भर्ती हे। डायरिया के शेष अन्य केस उपचार लेके ठीक हो चुके हे अउ अपन घर जा चुके हे।
उप संचालक डॉ सोनवानी ह घलो प्रभावित ग्राम म मेडिकल स्टाफ के शिफ्ट अनुसार ड्यूटी ल निरंतर करे बर गांव म क्लोरीन टेबलेट वितरित करे बर घलो कहिन। आवश्यक दवा के उपलब्धता घलो सुनिश्चित करे बर कहिन। संग ही ओमन डिस्चार्ज मरीज मन के काउंसलर के माध्यम ले टेलीफोन के ज़रिए डायरिया के सम्बंध म फीडबैक ले बर अउ स्वास्थ्य संबंधी सलाह दे बर घलो निर्देश दिन। रोकथाम बर त्वरित प्रतिक्रिया बर निगरानी बढ़ाए बर घलो कहे गिन। ग्राम बरबसपुर म इंडेक्स मरीज (पहला केस) के घर के भ्रमण करके जानकारी घलो ले गिस। ग्राम म अन्य मौसमी बीमारी जइसन मलेरिया बर घलो एहतियातन फीवर सर्वे करे बर कहे गिन ।
भ्रमण के बेर मुख्य चिकित्सा अउ स्वास्थ्य अधिकारी डॉ राजेश अवस्थी, जिला टीकाकरण अधिकारी डॉक्टर के. के. टेम्भूरने, आईडीएसपी के जिला नोडल अधिकारी डॉक्टर अभिजीत बैनर्जी सहित अन्य अधिकारी उपस्थित रहिन।