रायपुर। छत्तीसगढ़ी फिल्म इंडस्ट्री ए दिन एक नवा हीरोइन के तलाश म हे। हाल ही म इंडस्ट्री के सबले बड़का प्रोड्यूसर ह अपन अगला फिल्म “झन भूलो मां-बाप 2” बर सोशल मीडिया म सार्वजनिक रूप ले नवा एक्ट्रेस के जरूरत बताईन। एखर ले पहली राज वर्मा घलो अपन आगामी फिल्म बर नवा हीरोइन के कास्ट करे के बात कह चुके हे।
जबकि इंडस्ट्री म एल्सा घोष, दीक्षा जायसवाल, शालिनी विश्वकर्मा, काजल सोनबेर, इशिका यादव, सोनाली सहारे, हेमा शुक्ला, ज्योत्सना ताम्रकार, मुस्कान साहू, अनिकृति चौहान, शिखा चितंबरे अउ हिरण्मयी दास जइसन दर्जनों अभिनेत्री पहली ले मौजूद हे, फिर भी नवा तलाश करे जात हे
त बता दन कि ट्रेड के गलियारा म चर्चा हे कि कुछ अदाकारा जरूरत ले ज्यादा हवा म उड़त हे। मेकर्स के अनुसार, उखर साथ शूट करना मानो कैमरा आसमान म ले जाए जइसे कठिन हो गे हे। संग ही, ए घलो चर्चा हे कि कुछ एक्ट्रेस के पेरेंट्स सेट म आके काम म बाधा डालथे जो कि प्रोफेशनल माहौल म ठीक नइ माने जाए। अब देखे वाला बात होहि कि इंडस्ट्री ल कोनो नया चेहरा मिलथे या मौजूदा कलाकार मन म ले ही कोनो ल फेर मौका देय जाहि। फ़िलहाल, फ़िल्ममेकर्स के ए ‘तलाश’ म सबके निगाह टिके हे।