रायपुर। सचिव सह परिवहन आयुक्त एस. प्रकाश के अध्यक्षता म आज इहां मंत्रालय महानदी भवन म हाई सिक्योरिटी रजिस्ट्रेशन प्लेट के अनुबंधित कंपनी के प्रतिनिधि अउ समस्त परिवहन अधिकारी मन के संग समीक्षा बैठक सम्पन्न होइस। बइठका म सचिव सह परिवहन आयुक्त एस.प्रकाश ह बिना एचएसआरपी वाला वाहन म सख्त चालानी कार्रवाई करे के निर्देश दिन।
सचिव परिवहन एस. प्रकाश ह एचएसआरपी आर्डर म कमी आए नाराजगी व्यक्त करत समस्त परिवहन अधिकारी मन ल पुलिस प्रशासन ले समन्वय कर संयुक्त जांच अभियान चलाए बर अउ चालानी कार्रवाई करे के निर्देश दिन। ओमन ह धमतरी, जशपुर, दुर्ग, अंबिकापुर, बैकुण्ठपुर, रायपुर, बिलासपुर के परिवहन अधिकारी मन ले विस्तारपूर्वक चर्चा करिन अउ आगामी दिन म एचएसआरपी आर्डर के संख्या दोगुना करे बर कार्ययोजना तैयार करे के निर्देश दिन।
बइठका म समस्त परिवहन अधिकारी मन ल एचएसआरपी वेंडर ले समन्वय कर तहसील मुख्यालय, ग्रामीण कस्बा अउ भीड़ वाला जगह जइसे-इंडस्ट्रियल, एजुकेशन इंस्टीट्यूट क्षेत्र म लगातार कैम्प आयोजित करे के निर्देश देए गिस। परिवहन सचिव सह आयुक्त ह दुर्ग जिला अंतर्गत भिलाई स्टील प्लांट (बीएसपी) म कार्यरत कर्मचारी के स्टॉफ पार्किंग म कैम्प आयोजित करे बर क्षेत्रीय परिवहन अधिकारी, दुर्ग ल निर्देशित करिन । संग ही एचएसआरपी लगाए बर अउ नियम / अधिनियम के जानकारी बर लोगन म जागरूकता लाए बर पेट्रोल पंप या अन्य भीड़ वाला स्थान म बैनर / पोस्टर के माध्यम ले जानकारी प्रसारित करे के निर्देश दिन।
बैठक म निर्देश देय गिस कि अनुबंधित कम्पनी जिला मुख्यालय के संग – संग तहसील मुख्यालय म घलो कंपनी के संचालित स्थायी फिटमेंट सेंटर स्थापित करे के ग मैनपॉवर घलो बढ़ावव। एखर अतिरिक्त समस्त परिवहन अधिकारी मन ल समस्त फिटमेंट सेंटर के लगातार भौतिक निरीक्षण करे के निर्देश देय गिस। आगामी सप्ताह म पुनः समीक्षा बैठक ले जाही।
