राज्यपाल रमेन डेका ह टीबी मरीज ल पोषण आहार किट करिन वितरण

रायपुर। बीजापुर जिला आगमन म राज्यपाल रमेन डेका के रेडक्रॉस सोसायटी के वालिंटियर्स ह आत्मीय स्वागत करिन। जिला कार्यालय परिसर म विहान दीदीयों ह आजीविका मिशन ले जुड़के आर्थिक गतिविधी म आधारित प्रदर्शनी घलो लगाए रीहिन। जेखर अवलोकन करके डेका उखर आर्थिक गतिविधी के जानकारी लिन। ए दौरान टीबी के 10 मरीज ल राज्यपाल ह प्रधानमंत्री निक्षय पोषण योजना के तहत पोषण आहार किट प्रदाय करिन अउ उखर अपन सेहत के ध्यान रखे बर दवाई के समय म सेवन करे के समझाइश देय गिस।