रायपुर। सुशासन तिहार अंतर्गत मुख्यमंत्री विष्णु देव साय ह कोंडागांव जिला प्रवास के बेर विश्राम गृह म विभिन्न सामाजिक संगठन के प्रतिनिधिमंडल ले सौजन्य भेंट करिन। ए अवसर म ओमन ह कहिन कि सुशासन तिहार म् 8 अप्रैल ले लेके 11 अप्रैल तक प्रदेश के जनता अपन समस्या अउ मांगें रखिन। अधिकारी मन ह ज्यादातर समस्या के समाधान कर लिन है। ए बेर हमन घलो मंत्री अउ अधिकारी मन के संग गांव गांव पहुंचके ग्रामीण मन के समस्या सुने हन।
मुख्यमंत्री ह कहिन कि हमर सरकार ह पिछला 2 साल के बकाया बोनस दिन हे, एखर ले किसान मन ल बड़ लाभ घलो होइन हे। प्रदेश सरकार छत्तीसगढ़ के जनता के सेवा बर जो कार्य करत हे, ओखर ले प्रदेश म खुशहाली आत हे अउ किसान मन के आय म वृद्धि होवत हे। साय ह आगु बतायिन कि 24 अप्रैल ल पंचायती राज दिवस के अवसर म सरकार ह अटल सेवा केंद्र शुभारंभ करिन हे, अवइया दिन म पूरा प्रदेश भर म विस्तार करना चाहि। गांव म ही लेनदेन के सुविधा मिले ले अब ग्रामीण मन ल बैंक जाए के जरूरत नहीं पड़हि।
मुख्यमंत्री ह घलो कहिन कि विकसित कृषि संकल्प अभियान के तहत प्रधानमंत्री नरेंद्र मोदी के नेतृत्व म भारत सरकार द्वारा कृषि वैज्ञानिक के माध्यम ले हमर प्रदेश के किसान मन के बीच म बातचीत करहि, उखर आधुनिक खेती के विषय म बताहि। ओमन बतायिन कि पंजीयन म दस नई क्रांति ले पारदर्शिता आए हे, नियद नेल्लानार योजना ले बस्तर क्षेत्र के दूरस्थ अंचल म विकास के रौशनी पहुंचिन हे। ए अवसर म केशकाल विधायक नीलकंठ टेकाम, जिला पंचायत अध्यक्ष किरण नरेटी, नगर पालिका अध्यक्ष नरपति पटेल, उपाध्यक्ष जसकेतु उसेंडी, पूर्व विधायक सेवक राम नेताम, दीपेश अरोरा, मुख्यमंत्री के प्रमुख सचिव सुबोध कुमार सिंह, सचिव बसवराजू अउ कोंडागांव के कलेक्टर, एस पी मौजूद रीहिन।