रायपुर। भारत सरकार, नीति आयोग नवा दिल्ली द्वारा आकांक्षी जिला/ब्लॉक कार्यक्रम के तहत् नैस्कॉम फाउण्डेशन ह जनपद पंचायत कोरबा के अंतर्गत समस्त ग्राम पंचायत के सरपंच मन ल डिजिटली साक्षरता कार्यक्रम के तहत् डिजिटल रूप ले सशक्त बनाए बर और उखर दैनिक कार्य ल सरल बनाए बर दु दिवसीय प्रशिक्षण के आयोजन जनपद पंचायत कोरवा के सभाकक्ष म करे गिस। ए पहल प्रधानमंत्री डिजिटल साक्षरता अभियान के अंतर्गत आथे. जेखर उद्देश्य ग्रामीण अउ पिछड़ा क्षेत्र म डिजिटल साक्षरता ल बढ़ावा देना हे।
ए प्रशिक्षण के मुख्य उद्देश्य ग्राम पंचायत के सरपंच मन ल डिजिटल उपकरण अउ ई-गवर्नेस सेवा के उपयोग म सक्षम बनाना हे, ताकि वो अपन दैनिक कार्य ल अधिक प्रभावी अउ पारदर्शी तरीका ले कर सकय। नैस्कॉम फाउंडेशन के पहल, “डिजी-साक्षर“ विशेष रूप ले वंचित समुदाय ल डिजिटल कौशल प्रदान करे बर डिजाइन करे गिस हे। ए कार्यक्रम के तहत, सरपंच ल कंप्यूटर कौशल, साइबर सुरक्षा अउ इंटरनेट के प्रभावी उपयोग जइसे विषय म प्रशिक्षण देय गिस।
कार्यक्रम के उद्घाटन कौशाम्बी गबेल, मुख्य कार्यपालन अधिकारी जनपद पंचायत कोरवा, अउ महेश्वरी साव, विकास विस्तार अधिकारी जनपद पंचायत कोरबा ह करिन। संस्था के तरफ ले लोकेश तिवारी प्रोजेक्ट फिल्ड ऑफिसर अउ प्रोग्राम के मास्टर ट्रेनर अनुसुईया ह डिजिटल साक्षरता के प्रशिक्षण दिन। एमा 65 ग्राम पंचायत के सरपंच मन ह भाग लिन, जेन ह स्थानीय शासन अउ प्रशासन म डिजिटल साक्षरता ल बढ़ावा देय बर प्रतिबद्ध हे।
गवेल ने आज के युग म डिजिटल साक्षरता के महत्व अउ आवश्यकता ल बताए गिस। उहें लोकेश ह डिजिटल प्लेटफार्म के सुरक्षित उपयोग पर जोर देवत, प्रशिक्षण के माध्यम ले कतको उपयोगी टिप्स साझा करिन।
नैस्कॉम फाउंडेशन ह बछर 2022 म “आकांक्षी जिला कार्यक्रम“ के शुरुआत करे रीहिन, जेखर उद्देश्य 55 आकांक्षी जिला म डिजिटल साक्षरता, ई-गवर्नेस अउ कौशल विकास के माध्यम ले ज्यादा लोगन ल सशक्त बनाए हे। ए पहल के तहत, डिजिटल संसाधन केंद्र स्थापित करे हे, जेन समुदाय ल आवश्यक डिजिटल उपकरण अउ सेवा तक पहुंच प्रदान करत हे।
