रायपुर। नंदनवन जंगल सफारी, नवा रायपुर म चलत समर कैंप के तहत विश्व जैव विविधता दिवस (22 मई) अउ विश्व टर्टल दिवस (23 मई) के अवसर म एक विशेष शैक्षणिक अउ जागरूकता कार्यक्रम के आयोजन करे गिस। दु दिवसीय ए कार्यक्रम म विद्यार्थी मन ल प्रकृति, पारिस्थितिकी अउ वन्यजीव के संरक्षण के महत्ता के बारे म विस्तार ले जानकारी दे गिस।
पहली दिन विद्यार्थी ल जैव विविधता के महत्व, खाद्य श्रृंखला म उखर उपयोगिता अउ पर्यावरण संतुलन म योगदान के बारे म चर्चा-परिचर्चा के माध्यम ले जानकारी देय गिस। एखर ले लइका मन ल छोटे ले छोटे जीव जेन पारिस्थितिकी तंत्र के स्थिरता म अपनी अहम भूमिका निभात हे, उखर बारे म जानकारी मिलिस। कार्यक्रम के मुख्य आकर्षण जंगल सफारी भ्रमण रहिन, जेमा विद्यार्थी मन ह बाघ, तेंदुआ, भालू, हिरण जइसन विविध वन्यजीव ल उखर प्राकृतिक वातावरण म देखिन अउ उखर व्यवहार, आवास अउ पारिस्थितिकी म योगदान ल प्रत्यक्ष अनुभव करिन।
दूसर दिन विद्यार्थी मन ल स्टार टॉर्टल अउ रेड स्लाइडर कछुआं ले परिचय कराए गिस। उखर शारीरिक संरचना, जीवनशैली अउ पारिस्थितिक भूमिका म केंद्रित सत्र ह विद्यार्थी के जलचर जीव के प्रति समझ अउ संवेदनशीलता ल करीब ले जानिस। ए आयोजन के सफल संचालन नंदनवन नेचर एजुकेशन के टीम के चंद्रमणी साहू, उपेंद्र साहू, जावेद, संतोष यादव अउ सूरज साहू ह करिन। ओमन ह चर्चा-परिचर्चा अउ जीवंत उदाहरण ले विद्यार्थी मन ल प्रकृति के प्रति जागरूक अउ संवेदनशील बने बर प्रेरित करिन।
संचालक नंदनवन जंगल सफारी तेजस शेखर ह कहिन कि जैव विविधता के संरक्षण केवल वैज्ञानिक या प्रशासन की जिम्मेदारी नहीं, बल्कि हर नागरिक के जिम्मेदारी हे। लइका मन प्रकृति के प्रति प्रेम अउ संरक्षण के भावना उत्पन्न करना, एक बेहतर भविष्य के नींव हे। ओमन ह कहिन कि ए आयोजन विद्यार्थी बर एक अविस्मरणीय अनुभव रहि, जेमा ओमन ह न केवल सीखिन, बल्कि प्रकृति ले जुड़ाव ल महसूस घलो करिन।
