रायपुर। जशपुर जिला मुख्यालय ले लगभग 70 कि.मी. दूरी म स्थित भितघरा पंचायत के छोटा से गांव राजपुर, जेखर आबादी 247 हे, जेमा प्रमुख रूप ले पहाड़ी कोरवा विशेष पिछड़ी जनजाति के लोगन निवास करत हे। ए गांव म जल जीवन मिशन के अंतर्गत 2 उच्च स्तरीय एकल ग्राम योजना ह जम्मों 69 ग्रामीण परिवार मन ल उखर घर तक क्रियाशील घरेलू नल कनेक्शन के माध्यम ले शुद्ध पेय जल आपूर्ति करे जात हे।
बता दन कि मुख्यमंत्री विष्णुदेव साय ह जिला के विशेष पिछड़ी जनजाति के लोगन ल शासन के जम्मों योजना के लाभ शत् प्रतिशत देए के निर्देश दिन हे। ओमन दूरस्थ अंचल म निवासरत जनजाति समुदाय के लोगन को कोनो भी प्रकार ले शासन के योजना ले वंचित न होए बर पड़य…एखर बर शासन अउ प्रशासन स्तर म हर संभव पहल करे बर कहिन हे। इही कड़ी म लोक स्वास्थ्य यांत्रिकी विभाग जशपुर के उपखण्ड बगीचा के सहायक अभियंता अभिषेक गुप्ता अउ उप अभियंता विकास एक्का ह ग्राम राजपुर म विशेष ध्यान देके योजना ल शीघ्र पूर्ण कराए गिस अउ कार्य पूरा होए म ए ग्राम के हर घर जल कार्यक्रम घलो कर लेय गे हे।
हितग्राही करूणा दास अउ उहां के ग्रामवासी के कहिना हे कि जल जीवन मिशन के आए ले पूर्व वो कुंआ ले पानी भरत रीहिन जोन कि बस्ती ले लगभग 500 मीटर दूर नीचे ढलान म हे। जिहां ले पानी लाना बहुत ही कठिन रीहिन। अब घर म नल लगे ले पानी भरे बर कहीं नई जाना पड़त हे। घर म पेयजल के सुविधा उपलब्ध होए ले जम्मों ग्रामीण मन ह खुशी जाहिर करत हुए मुख्यमंत्री विष्णु देव साय अउ जिला प्रशासन ल धन्यवाद दिन हे।
