रायपुर। मुख्यमंत्री विष्णुदेव साय ले आज छत्तीसगढ़ प्रवास म आए केंद्रीय ग्रामीण विकास अउ कृषि अउ किसान कल्याण मंत्री शिवराज सिंह चौहान ह सौजन्य मुलाकात करिन। मुख्यमंत्री साय ह चौहान के छत्तीसगढ़ म स्वागत करत ओला बस्तर आर्ट के प्रतीक चिन्ह अउ शॉल भेंट करिन। मुख्यमंत्री साय ह छत्तीसगढ़ के पावन धरा म केंद्रीय मंत्री शिवराज सिंह चौहान के हार्दिक स्वागत अउ अभिनंदन करत कहिन कि गरीब, किसान अउ गांव के कल्याण बर आपका समर्पण हमन सब बर प्रेरणादायी हे। आप मन के अनुभव अउ मार्गदर्शन ले डबल इंजन सरकार के संकल्प अउ सशक्त होहि।
बता दन कि केंद्रीय मंत्री चौहान कल 13 मई ल अम्बिकापुर म आयोजित “मोर आवास मोर अधिकार” कार्यक्रम म शामिल होहि। ए कार्यक्रम म चौहान प्रधानमंत्री आवास योजना ग्रामीण अउ पीएम जनमन के आवास हितग्राही मन ल खुशी के चाबी दिही अउ आवास निर्माण प्रारंभ करइया हितग्राही के भूमिपूजन कर ओला आवास स्वीकृति पत्र प्रदान करहि। केंद्रीय मंत्री चौहान राज्य म नवनिर्मित 51 हजार प्रधानमंत्री आवास योजना के हितग्राही के गृह प्रवेश करवाही। एखर संग ही वो उत्कृष्ट कार्य करे बर वाला स्व सहायता समूह के दीदी मन ल, लखपति दीदी मन ल सम्मानित घलो करहि।
ए अवसर म विधानसभा अध्यक्ष डॉ रमन सिंह, उपमुख्यमंत्री अरुण साव, उपमुख्यमंत्री विजय शर्मा, कृषि मंत्री रामविचार नेताम, वनमंत्री केदार कश्यप, वित्त मंत्री ओपी चौधरी सहित अन्य जनप्रतिनिधिगण उपस्थित रीहिन।