बिलासपुर। छत्तीसगढ़ सरकार के सुशासन तिहार ले आम लोगन मन के समस्या के त्वरित समाधान मिलत हे, सुशासन तिहार के तहत आयोजित समाधान शिविर म पात्र हितग्राही मन ल योजना के लाभ सरल, पारदर्शी अउ त्वरित रूप ले प्रदान करे जात हे। इही क्रम म सुशासन तिहार में आवेदन करने पर निगम क्षेत्र के दु हितग्राही रानी यादव अउ सीमा बघेल ल त्वरित रूप ले नवीन राशनकार्ड प्रदान करिन।
नगर निगम क्षेत्र के जोन क्रमांक 2 के निवासी रानी यादव ह प्राथमिकता श्रेणी के अंतर्गत राशनकार्ड बर आवेदन करिन। जांच म पाए गिन कि वो असंगठित क्षेत्र म श्रमिक के रूप म कार्यरत हे उखर नाम श्रमिक कार्ड म मजदूर (रेजा, कूली) के रूप म दर्ज हे। पात्रता के पुष्टि के बाद ओला नवीन प्राथमिकता राशनकार्ड प्रदान करे गिस।
अइसने ही सीमा बघेल ह सामान्य राशनकार्ड बर आवेदन दे रीहिन, जांच म ए पाए गिस कि वो संयुक्त अउ सामान्य परिवार ले संबंध रखथे, अउ उखर पति सतीश बघेल भारतीय रेलवे म लोको पायलट के रूप म कार्यरत हे। समाधान शिविर म आवश्यक दस्तावेज के पुष्टि के बाद ओला नवीन सामान्य राशनकार्ड जारी करे गिन।
दोनों हितग्राही ह राज्य शासन के सुशासन तिहार के प्रशंसा करत कहिन कि ए योजना के माध्यम ल ओला बिना किसी कठिनाई के सरकारी सुविधा के लाभ प्राप्त होए हे। रानी यादव ह बतायिन कि पहली कतको प्रयास के बावजूद राशनकार्ड नई बन सके रीहिन, लेकिन ए योजना ह उखर परिवार के बड़का समस्या के समाधान कर दिन। उहें सीमा बघेल ह कहिन कि मुख्यमंत्री विष्णु देव साय ह जनसाधारण बर सुशासन के जेन पहल शुरू करिन हे.. उससे आम लोगन ले राहत मिलत हे।
बता दन कि ‘ सुशासन तिहार ‘ के उद्देश्य राज्य के प्रत्येक पात्र नागरिक तक सरकारी योजना के लाभ पारदर्शिता अउ प्रभावशीलता के संग पहुंचाना हे। राशनकार्ड, पेंशन, श्रमिक कार्ड, स्वास्थ्य बीमा के संग साफ सफाई,बिजली अउ पेयजल समस्या के ए पहल के माध्यम ले तेजी ले समाधान करे जात हे। सुशासन तिहार ले प्रशासन अउ नागरिक के बीच बेहतर समन्वय के स्थापित होवत हे अउ आम लोगन के समस्या के त्वरित समाधान होवत हे।
