बेटी बचाओ बेटी पढ़ाओ’ योजना के तहत प्रशिक्षण कार्यक्रम के आयोजन

बेमेतरा: बेमेतरा म महिला सशक्तिकरण ल बढ़ावा देय बर  ‘बेटी बचाओ बेटी पढ़ाओ’ योजना के अंतर्गत विशेष प्रशिक्षण कार्यक्रम के आयोजन करे गिस। दिनांक 08 मई 2025 के ऑगनबाड़ी केन्द्र क्रमांक 01, वार्ड नं. 14/17 म ये प्रशिक्षण कार्यक्रम शुरु होइन।
ए कार्यक्रम के अंतर्गत वार्ड क्र.14/17 के 25 किशोरी बालिका अउ महिला मन ल निःशुल्क 15 दिवसीय ब्यूटी पार्लर ट्रेड म प्रशिक्षित करे जात हे। प्रशिक्षण के संचालन अनुभवी मास्टर ट्रेनर मन ह करत हे, ताकि प्रतिभागी स्वयं के स्वरोजगार स्थापित करके आत्मनिर्भर बन सकय।
  प्रशिक्षण कार्यक्रम के शुभारंभ अवसर म संरक्षण अधिकारी यशोदा साहू, पर्यवेक्षक  अंकिता साहू अउ शैलजा साहू, जेंडर विशेषज्ञ सेवन्तिका साहू अउ ऑगनबाड़ी कार्यकर्ता सनत साहू अउ प्रणिता विशेष रूप ले उपस्थित रिहीन।
  जिला प्रशासन के ए प्रयास बालिका मन अउ महिला मन ल आत्मनिर्भर बनाए के दिशा म एक महत्वपूर्ण कदम हे, जेखर ले वो भविष्य म आर्थिक रूप ले सशक्त बन सकय।