‘सुशासन तिहार’ ले ग्रामीण मन ल मिलत हे नवा जिनगी

रायपुर: ‘सुशासन तिहार’ के अंतर्गत आयोजित समाधान शिविर म  खैरागढ़ विकासखण्ड के ग्राम खपरी तेली अउ खपरी सिंदर के दु मेहनती ग्रामीण, रूपलाल निषाद अउ राजेश निषाद, के जीवन ल नवा दिशा दिन हे। ए दुनों मछुआरा मन ह मछली पालन बर शासन ले सहायता प्राप्त करे बर समाधान शिविर म आवेदन प्रस्तुत करिन। उखर आवश्यकता ल गंभीरता ले लेवत प्रशासन ह ग्राम मुढ़ीपार म आयोजित शिविर म ओमन ल तुरंत महाजाल (फिशिंग नेट) प्रदान करिन। पहली ए दुनों पारंपरिक अउ सीमित साधन ले मछली पकड़त रीहिन, जेखर ले ओला मेहनत के अनुपात म बड़ कम आय हो रीहिन। लेकिन अब महाजाल के सहायता ले वो अधिक मात्रा म मछली पकड़े म सक्षम हो सकत हे। एखर ले उखर आमदनी म वृद्धि होही। अउ जीवन म आर्थिक स्थिरता आहि। रूप लाल अउ राजेश ह शासन अउ प्रशासन के आभार व्यक्त करत कहिन कि ए सहायता हमर बर एक नवा उम्मीद लेके आए हे। अब हमन ल अपन परिवार के भविष्य ल लेके चिंता नई हे। मत्स्य पालन विभाग के सहायक संचालक प्रदीप भोले ह बतायिन कि शासन के प्रतिबद्धता हे कि ग्रामीण मन ल उखर जरूरत के अनुसार योजना के लाभ सीधे अउ त्वरित रूप ले मिलिस। सुशासन तिहार एखर सशक्त माध्यम बनत हे।