नौका विहार के सुविधा घलो हे उपलब्ध
छत्तीसगढ़ के नवगठित जीपीएम जिला ह प्राकृतिक मनोरम दृश्य ले भरे-पूरे जिला हे। जेन ह ऐतिहासिक, धार्मिक अउ प्राकृतिक पर्यटन स्थल मन ले विद्यमान जिला म प्रकृति का गोद म स्थित हे इंहा गगनई जलाशय म पर्यटक नौकायन के भरपूर आनंद ले सकत हे। जिला मुख्यालय गौरेला ले लगभग 30 किलोमीटर के दूरी म स्थित गंगनई जलाशय (नेचर कैंप) प्रकृति प्रेमी मन बर खास जगह म ले एक हे। इहां पर्यटक मन के ठहरे अउ खाए-पीए के संग ही मनोरंजन बर नौका विहार के सुविधा उपलब्ध हे।
स्थानीय लोगन मन के संग ही बड़का संख्या म पर्यटक मन अपन परिवार के संग पिकनिक मनाए बर इहां पहुंचथे। इहाँ स्थित सन्सेट पॉइंट ले झील म डूबत सूरज अउ चारों ओर पहाड़ के सुंदर दृश्य इहां अवइया पर्यटक मन के मन मोह लेथे। सूरज के लालिमा झील के पानी म पड़थे त दृश्य देखत ही बनथे अउ एक अलौकिक आनंद मिलथे। इहाँ बने झील म बोटिंग के सुविधा हे। संग म वन विभाग के बनाए गे सर्व सुविधायुक्त कमरा घलो हें, जिहां पर्यटक परिवार के संग ठहर सकथे। खाए-पीए बर कैंटिन सुविधा घलो उपलब्ध हे।
जिला प्रशासन द्वारा गठित स्थानीय पर्यटन समिति द्वारा इहां नाइट कैम्पिंग, ट्रेकिंग, पक्षीदर्शन जइसन अनेक मनोरंजक गतिविधियां संचालित करे जाथे। गगनई नेचर कैंप भालू मन के रहवास वाला जंगल के तीर बने हे। इहाँ वन विभाग ह पर्यावरण चेतना केंद्र स्थापित करे हे, जेन भालु मन के संरक्षण बर जागरूकता फैलाए के काम करत हे। इहाँ आवत-जावत भालू के दर्शन घलो हो जाथे। इहाँ स्थित सेल्फ़ी पॉइंट स्थानीय लोगन मन के बीच बड़ प्रसिद्ध हे। इहाँ स्कूल-कॉलेज के लइका मन बर दिन भर बर नवाचार कैम्प घलो विशेष मांग म आयोजित करे जाथे। गगनई नेचर कैम्प म बारो महिना सैलानी मन के तांता लगे रहिथे।
