नवा गृहस्थ जिनगी म प्रवेश करईया जोड़ी मन ल दिन आशीर्वाद
57 लाख लागत के काम मन ल के करिन लोकार्पण-भूमि पूजन
पाटन म सामाजिक भवन बर 50 लाख रुपिया के घोसना
गातापार म घलो तरिया के सौंदर्यीकरण कराए के घोसना
मुख्यमंत्री भूपेश बघेल ह आज दुर्ग जिला के पाटन विकासखंड के गातापार म आयोजित सामूहिक आदर्श विवाह, भक्त माता कर्मा जयंती महोत्सव अऊ भामाशाह जयंती कार्यक्रम म संघरिन। ए बेरा म ओमन नवा गृहस्थ जिनगी म प्रवेश करईया 16 नव विवाहित जोड़ा मन ल आशीर्वाद दिन। मुख्यमंत्री ह पाटन म साहू समाज के सामाजिक भवन बर 50 लाख रुपिया के घोसना करिन। एखर संगे-संग गातापार तरिया के सौंदर्यीयकरण के घलो घोसना करिन।
साहू समाज कोती ले आय़ोजित ए कार्यक्रम म 1007 दीप प्रज्वलित कर मां कर्मा देवी के महाआरती के संग अलग-अलग सांस्कृतिक कार्यक्रम के प्रस्तुति घलो होईस। कार्यक्रम ल संबोधित करत मुख्यमंत्री ह कहिन के साहू समाज प्रगतिशील समाज हे। सामाजिक जागरूकता अऊ संगठन शक्ति के सती ए समाज ह आज तेजी ले आगू बढ़त हे। पाछू के 20 साल ले साहू समाज कोती ले सामूहिक विवाह के आयोजन करे जात हे। ए ह ओखर प्रगतिशील होए के उदाहरण हे। ओमन कहिन कि राजिम पुन्नी मेला बर राजिम म 55 एकड़ जमीन आवंटित करे गे हे जिहां पहुंच के रद्दा बनाए ले लेके साधू संत मन बर एक धर्मशाला के निर्माण, डोम निर्माण के बुता योजनाबद्ध तरीका ले करे जात हे।
गृह मंत्री ताम्रध्वज साहू ह समाज के पदाधिकारी मन ल हर फैसला समाजिक हित म ले के बात कहिन। कार्यक्रम म जिला पंचायत के उपाध्यक्ष अशोक साहू, पूर्व विधायक डॉ. दयाराम साहू अऊ अन्य जनप्रतिनिधि व साहू समाज के पदाधिकारी म संघराए रिहिस।
ए काम के होईस घोसना
मुख्यमंत्री ह कार्यक्रम म 57 लाख के काम के लोकार्पण अऊ भूमि पूजन करिन। लोकार्पित काम म गातापार म 25 लाख रुपिया के लागत के पानी टंकी, साढे 6 लाख रुपिया के लागत के सामुदायिक भवन, साढ़े 3 लाख रुपिया के सार्वजनिक शौचालय, 3 लाख लागत के रंगमंच, 2 लाख लागत म कर्मा भवन के जीर्णोद्धार, उमरपोटी म 2 लाख रुपिया के लागत के रंगमंच, 10 लाख रुपिया के लागत के शासकीय उचित मूल्य दुकान अऊ गोदाम, अऊ 5 लाख रुपिया के लागत ले शीतला मंदिर प्रांगण म जीर्णोद्धार काम के भूमि पूजन शामिल हे।
