कोकोड़ी एथेनॉल प्लांट ले शेयरधारक किसान मन के आय म बड़का उछाल

रायपुर। माई दंतेश्वरी मक्का सहकारी समिति कोण्डागांव ले चलाय गय एथेनॉल प्लांट कोकोड़ी छेत्र के शेयरधारी किसान मन बर आय बढ़ाय के मजबूत साधन साबीत होवत हे। प्लांट संग जुड़े किसान मन ला मक्का बेचई म बाजार के भाव ले 700 ले 800 रुपिया पर क्विंटल तक जियादा फाफदा मिलत हे, जेन ले उनकर आय म उल्लेखनीय बढ़ोतरी दरज होए हे।
एथेनॉल प्लांट के संचालन के बाद समिति शेयरधारी किसान मन ले प्राथमिकता के आधार म मक्का के खरीद करथें। एह बछर घलो किसान मन ला मक्का के बढ़िया भाव देके उनकर मेहनत के उचित फल सुनिश्चित करे गे हे। अभी खुले बाजार म मक्का के भाव 1600 ले 1700 रुपिया पर क्विंटल हे, जबकि एथेनॉल प्लांट कोकोड़ी शेयरधारी किसान मन ले 2400 रुपिया पर क्विंटल के आकर्षक दर म मक्का खरीदत हे। ए ले किसान मन ला बाजार के भाव ले सीधे आर्थिक लाभ मिलत हे। बाजार के भाव 1600 रुपिया पर क्विंटल हे, जबकि प्लांट के दर 2400 रुपिया पर क्विंटल हे, अतिरिक्‍त फाफदा 800 पर क्विंटल हे। उदाहरन के रूप म 40 क्विंटल मक्का बेचई म किसान ला कुल अतिरिक्त आय 32 हजार रुपिया के अतिरिक्त आमदनी मिलही।
स्थानीय किसान मन बता रहे हें कि एथेनॉल प्लांट जुड़इ के बाद खेती जियादा लाभकारी होगे हवे। एक किसान कहिस, “800 रुपिया प्रति क्विंटल के अतिरिक्त फायदा मिलए ले हमर आर्थिक हालत मजबूत हो गे हवे अउ खेती म उत्साह बढ़ गे हवे। समिति के पदाधिकारी मन के अनुसार ए लाभांश मॉडल किसान मन के आर्थिक उन्नति ला ध्यान म रख के लागू कर गे हवय, जेकर ले जियादा से जियादा किसान मक्का उत्पादन ला बढ़ावा दे के सहकारी व्यवस्था से जुड़ सकंय। आज तक 203 किसान मन ला रकम रुपिया 1.45 करोड़ के भुगतान कर देय गे हवय, वर्तमान म खरीदी चालू हवय।
एथेनॉल प्लांट कोकोड़ी के संचालन ले न सिरिफ किसान मन ला स्थायी बाजार अउ प्रतिस्पर्धी दाम मिले हावय, बल्कि छेत्र म रोजगार के अवसर घलो बढ़ गे हावय। ए पहल ले कोण्डागांव जिला के कृषि छेत्र म नवा ऊर्जा अउ उत्साह के संचार होए हवय।