रायपुर। मुख्यमंत्री विष्णु देव साय ह आज मंत्रालय महानदी भवन म आगामी खरीफ सीजन ल देखत खाद अउ बीज के उपलब्धता ल लेके उच्च स्तरीय समीक्षा बैठक करिन। मुख्यमंत्री साय ह अधिकारी मन ल निर्देशित करत कहिन कि प्रदेश म किसान मन ल सतत रूप ले खाद के आपूर्ति सुनिश्चित करे जाए।
मुख्यमंत्री ह विशेष रूप ले डीएपी के स्थान म एनपीके खाद के उपयोग ल प्रोत्साहित करे के बात कहिन अउ किसान मन ल एखर लाभ ले अवगत कराए ल कहिन। साय ह कलेक्टर मन के माध्यम ले जिलेवार सहकारी समिती म खाद के उपलब्धता अउ वितरण के निगरानी अउ सतत समीक्षा करे के निर्देश दिन।
मुख्यमंत्री साय ह कहिन कि खेती-किसानी के ए समय किसान मन बर अत्यंत महत्वपूर्ण हे। यदि ए समय खाद-बीज के आपूर्ति म कोनो भी प्रकार के बाधा आथे, त एखर सीधा असर फसल के बुआई अउ उत्पादन म पडहि। ओमन ह अधिकारी मन ल निर्देशित करिन कि किसान मन के समय म अउ उचित दर म पर्याप्त मात्रा म खाद उपलब्ध हो। ओमन कहिन कि समिती म एनपीके खाद के व्यवस्था घलो करे जात हे, किसान मन ल एला उपलब्ध कराए के दिशा म तत्काल कदम उठाइन। ओमन ह अमानक अउ नकली खाद के बिक्री म गहरा चिंता व्यक्त करत निर्देश दिन कि अइसे मामला म तत्काल सख्त कार्रवाई करे जाए।
बैठक म मुख्य सचिव अमिताभ जैन, मुख्यमंत्री के प्रमुख सचिव सुबोध कुमार सिंह, मुख्यमंत्री के सचिव राहुल भगत, कृषि उत्पादन आयुक्त शहला निगार, संचालक कृषि राहुल देव सहित मार्कफेड के अधिकारी-कर्मचारी मौजूद रहिन।
